గతేడాది విడుదలైన సలార్ (Salaar) మూవీ బ్లాక్ బస్టర్ హిట్ గా నిలవడంతో పాటు నిర్మాతలకు కళ్లు చెదిరే లాభాలను అందించి ప్రభాస్ (Prabhas) కెరీర్ లో బాహుబలి2 (Baahubali 2) తర్వాత ఆ రేంజ్ హిట్ గా నిలిచింది. సలార్2 షూట్ త్వరలో మొదలుకానుండగా ఈ సినిమా షూటింగ్ ను ఈ ఏడాదే పూర్తి చేసి ప్రశాంత్ నీల్ (Prashanth Neel) ఎన్టీఆర్ (Jr NTR )సినిమాను మొదలుపెట్టనున్నారని భోగట్టా. అయితే తారక్ మూవీ సలార్ యూనివర్స్ లో భాగంగా తెరకెక్కనుందని తెలుస్తోంది.
సలార్ యూనివర్స్ లోకి తారక్ అడుగు పెడితే మాత్రం సినిమా మామూలుగా ఉండదని కామెంట్లు వ్యక్తమవుతున్నాయి. సలార్ లో మన్నార్ పాత్రకు క్రేజీ క్రాస్ ఓవర్ ఉంటుందంటూ పృథ్వీరాజ్ సుకుమారన్ చేసిన కామెంట్లు నెట్టింట హాట్ టాపిక్ అవుతున్నాయి. కేజీఎఫ్ తో క్రాస్ ఓవర్ కు ఛాన్స్ లేకపోవడంతో ఎన్టీఆర్ సినిమాతోనే ఈ క్రాస్ ఓవర్ ఉంటుందని యంగ్ టైగర్ ఎన్టీఆర్ ఫ్యాన్స్ ఫిక్స్ అయ్యారు.
జూనియర్ ఎన్టీఆర్ సైతం ఇప్పటికే ప్రకటించిన సినిమాలను పూర్తి చేసి ప్రశాంత్ నీల్ సినిమాతో బిజీ కానున్నారు. అయితే సలార్2, ఎన్టీఆర్ ప్రశాంత్ మూవీ వేర్వేరు బ్యానర్లలో తెరకెక్కుతున్న నేపథ్యంలో క్రాస్ ఓవర్ ఉండకపోవచ్చని మరి కొందరు అనుమానాలు వ్యక్తం చేస్తున్నారు. ప్రశాంత్ నీల్ నోరు మెదిపే వరకు ఈ ప్రశ్నలు ప్రశ్నలుగానే మిగిలిపోతాయేమో చూడాల్సి ఉంది.
జూనియర్ ఎన్టీఆర్ సైతం మీడియాకు దూరంగా ఉండటంతో తారక్ ప్రాజెక్ట్ లకు సంబంధించిన కొన్ని ప్రశ్నలకు జవాబులు దొరకాల్సిన అవసరం అయితే ఉంది. తారక్ ప్రశాంత్ నీల్ కాంబో మూవీ రెండు భాగాలుగా తెరకెక్కుతుందని కూడా వినిపిస్తోంది. 2026 సంవత్సరంలో ఈ సినిమా విడుదలయ్యే అవకాశాలు అయితే ఎక్కువగా ఉన్నాయని సమాచారం అందుతోంది. ఎన్టీఆర్ ప్రశాంత్ నీల్ ఫేవరెట్ హీరో కావడంతో ఈ సినిమాపై అంచనాలు భారీగానే పెరుగుతున్నాయి.
