యంగ్ టైగర్ జూనియర్ ఎన్టీఆర్ కు గత కొన్నేళ్లుగా వరుస విజయాలు దక్కుతున్నాయి. తారక్ ఏది పట్టుకున్నా బంగారమే అవుతోంది. ఆర్.ఆర్.ఆర్ ఇండస్ట్రీ హిట్ గా నిలవడంతో పాటు ఇతర భాషల ప్రేక్షకులను సైతం ఈ సినిమా అంచనాలను మించి ఆకట్టుకుంది. టైమ్స్ ఆఫ్ ఇండియా నిర్వహించిన సర్వేలో జూనియర్ ఎన్టీఆర్ నంబర్ వన్ స్థానంలో నిలిచారు. ఈ జాబితాలో ఎన్టీఆర్ కు తొలి స్థానం దక్కడం ఫ్యాన్స్ కు సంతోషాన్ని కలిగిస్తోంది.
తారక్ కష్టానికి తగ్గ ఫలితం ఇప్పుడిప్పుడే దక్కుతోందని అభిప్రాయాలు వ్యక్తమవుతున్నాయి. జూనియర్ ఎన్టీఆర్ కు లక్ కూడా కలిసొస్తోందని మరి కొందరు చెబుతున్నారు. ఈ జాబితాలో తారక్ తర్వాత స్థానంలో చరణ్ ఉండగా ప్రభాస్, బన్నీ, మహేష్, పవన్, చిరంజీవి, నాని, బాలకృష్ణ, విజయ్ దేవరకొండ తర్వాత స్థానాల్లో నిలిచారు. ఈ తరం హీరోలలో వరుసగా ఆరు విజయాలు సాధించడం ఎన్టీఆర్ కే సాధ్యమైంది.
జూనియర్ ఎన్టీఆర్ సినిమా అంటే మినిమం గ్యారంటీ అని కామెంట్లు వినిపిస్తున్నాయి. కొరటాల శివ సినిమా షూట్ మరికొన్ని రోజుల్లో మొదలుకానుండగా గోవాలో కూడా కొన్ని సన్నివేశాల షూట్ జరగనుందని తెలుస్తోంది. తారక్ కెరీర్ ప్లానింగ్ ఎప్పుడూ నెక్స్ట్ లెవెల్ లో ఉంటుందని కామెంట్లు వినిపిస్తున్నాయి. ఎన్టీఆర్ పారితోషికం 100 కోట్ల రూపాయల రేంజ్ లో ఉంది. జూనియర్ ఎన్టీఆర్ ఒకవైపు కుటుంబానికి ప్రాధాన్యత ఇస్తూనే మరోవైపు వరుస సినిమాల్లో నటిస్తున్నారు.
ఇతర నటీనటులకు సైతం ఎన్టీఆర్ ఎంతో గౌరవం ఇస్తారని ఇండస్ట్రీలో టాక్ ఉంది. ఎన్టీఆర్ పొలిటికల్ ఎంట్రీ గురించి ఎన్నో వార్తలు వినిపిస్తుండగా తారక్ మాత్రం ఆ వార్తల గురించి రియాక్ట్ కావడానికి ఇష్టపడటం లేదు. ప్రతి సినిమాలో కొత్త లుక్ లో కనిపించడానికి ఇష్టపడే తారక్ ఎన్టీఆర్30 సినిమాలో కూడా సరికొత్త లుక్ లో కనిపించి ప్రేక్షకులను మెప్పించనున్నారని బోగట్టా.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
Home