Jr NTR, Prashanth Neel: ఎన్టీఆర్ నీల్.. రిలీజ్ డేట్ మళ్ళీ మారింది!

పాన్ ఇండియా స్థాయిలో ఎదురుచూస్తున్న ఎన్టీఆర్ (Jr NTR)  – ప్రశాంత్ నీల్ (Prashanth Neel) కాంబినేషన్ సినిమాపై అభిమానుల్లో భారీ హైప్ నెలకొంది. గత కొద్దిరోజులుగా షూటింగ్, టైటిల్ ప్రచారం వంటి అంశాలతో ఫ్యాన్స్ లో ఆసక్తి పెరిగింది. మొదట ఈ సినిమాను 2026 సంక్రాంతికి విడుదల చేయాలని భావించినా, తాజాగా మేకర్స్ నుంచి కొత్త అధికారిక అప్డేట్ వచ్చింది. సినిమాను వచ్చే ఏడాది జూన్ 25న ప్రపంచవ్యాప్తంగా రిలీజ్ చేయనున్నట్లు ప్రకటించారు. ఈ మార్పు అభిమానులను మిక్స్డ్ రియాక్షన్‌కు గురి చేస్తోంది.

Jr NTR, Prashanth Neel:

సాధారణంగా సంక్రాంతి లాంటి పెద్ద సెలవుల్లో స్టార్ హీరోల సినిమాల విడుదల కోసం ప్రాధాన్యత ఇస్తారు. కానీ వేసవి చివర్లో, స్కూల్స్, కాలేజీలు ఓపెన్ అయిన టైమింగ్‌లో రిలీజ్ ప్లాన్ చేయడం కొంత రిస్క్ అనిపించుకుంటోంది. అయినా స్టార్ హీరోల సినిమాలకు ఈ విధమైన సీజన్లు పెద్దగా అర్థం ఉండవు. సినిమా కంటెంట్ పవర్‌ఫుల్ అయితే ఎలాంటి టైమ్‌లో అయినా విజయాన్ని సాధించగలదని గతంలో ఎన్నో ఉదాహరణలు ఉన్నాయి.

‘బాహుబలి’ (Baahubali)  మొదటి భాగం కూడా జూలైలో విడుదలై సంచలనం సృష్టించింది. ప్రస్తుతం ఈ సినిమా షూటింగ్ హైదరాబాద్‌లో వేగంగా కొనసాగుతోంది. ఎన్టీఆర్ ఇప్పటికే సెట్స్ లో అడుగు పెట్టగా, దర్శకుడు ప్రశాంత్ నీల్ భారీ యాక్షన్ సీక్వెన్స్‌లను తెరకెక్కిస్తున్నారని సమాచారం. ఈ సినిమాలో డార్క్ బ్యాక్‌డ్రాప్ ఉండబోతోందని, తారక్ క్యారెక్టర్ మాస్, ఇంటెన్స్ అవతారాన్ని చూపించబోతోందని ఫిల్మ్ వర్గాల్లో టాక్ వినిపిస్తోంది. రుక్మిణి వసంత్ (Rukmini Vasanth) హీరోయిన్‌గా ఎంపికయ్యారు.

రవి బస్రూర్ (Ravi Basrur) అందించే మ్యూజిక్ ఈ సినిమాకు మరో బలమైన హైలైట్ కానుంది. ‘డ్రాగన్’ అనే వర్కింగ్ టైటిల్‌తో ప్రచారం జరుగుతున్న ఈ సినిమా, ప్రశాంత్ నీల్ మార్క్ మాస్ ఎంటర్‌టైన్‌మెంట్‌ని కొత్త స్థాయికి తీసుకెళ్లే ప్రయత్నమని చెబుతున్నారు. ‘కేజీఎఫ్'(KGF) తరువాత ప్రశాంత్ నీల్ స్టైల్ పై ప్రేక్షకుల్లో ఉన్న నమ్మకం ఈ సినిమాకి భారీ అంచనాలను తెచ్చిపెట్టింది. ఎన్టీఆర్ ఎనర్జీ, నీల్ మేకింగ్ కలయిక మీద ఇండస్ట్రీలో కూడా ఆసక్తి పెరిగింది.

వివాదంలో చిక్కుకున్న రౌడీ హీరో.. క్షమాపణలు చెప్పాలంటూ..!