యంగ్ టైగర్ జూనియర్ ఎన్టీఆర్, స్టార్ డైరెక్టర్ కొరటాల శివ కాంబినేషన్ లో జనతా గ్యారేజ్ సినిమా తరువాత మరో సినిమా తెరకెక్కనున్న సంగతి తెలిసిందే. వేర్వేరు కారణాల వల్ల ఎన్టీఆర్ త్రివిక్రమ్ కాంబినేషన్ లో తెరకెక్కాల్సిన సినిమా ఆగిపోవడంతో ఎన్టీఆర్ కొరటాల శివ కాంబినేషన్ ప్రాజెక్ట్ తెరపైకి వచ్చింది. కొరటాల శివ పాన్ ఇండియా సినిమాగా ఈ సినిమాను తెరకెక్కించనున్నారని తెలుస్తోంది. ఎన్టీఆర్ కొరటాల శివ కాంబినేషన్ లో తెరకెక్కనున్న కొత్త సినిమా కథకు సంబంధించి ఒక వార్త ఇండస్ట్రీ వర్గాల్లో చక్కర్లు కొడుతోంది.
వైరల్ అవుతున్న వార్త ప్రకారం ఒక చిన్న గ్రామం నుంచి పెద్ద నగరానికి జూనియర్ ఎన్టీఆర్ వస్తారని ఈ సినిమాలో ఎన్టీఆర్ మనస్తత్వం చిన్నపిల్లలను పోలి ఉంటుందని తెలుస్తోంది. మొదట్లో అమాయకంగా కనిపించిన తారక్ ఆ తరువాత రూలర్ గా మారి జనానికి ఏ విధంగా అండగా ఉంటారనే కథాంశంతో కొరటాల శివ ఈ సినిమాను తెరకెక్కించనున్నారని సమాచారం. కథ రొటీన్ గానే ఉన్నా కొరటాల శివ కథనంతో మ్యాజిక్ చేస్తారనే సంగతి తెలిసిందే. కొరటాల శివ ఈ లైన్ తోనే సినిమాను తెరకెక్కిస్తారో లేక మరో కొత్త కథతో సినిమాను తెరకెక్కిస్తారో చూడాల్సి ఉంది.
ఈ సినిమాతో పాన్ ఇండియా డైరెక్టర్ గా గుర్తింపును సంపాదించుకోవాలని కొరటాల శివ భావిస్తున్నారు. మరోవైపు కథల విషయంలో జూనియర్ ఎన్టీఆర్ ఎన్నో జాగ్రత్తలు తీసుకుంటున్న సంగతి తెలిసిందే. కొన్నేళ్ల క్రితం వరుస ఫ్లాపుల వల్ల కెరీర్ విషయంలో ఇబ్బందులు పడిన ఎన్టీఆర్ కచ్చితంగా బ్లాక్ బస్టర్ అవుతుందనే నమ్మకం ఉన్న కథల్లో మాత్రమే నటించడానికి గ్రీన్ సిగ్నల్ ఇస్తున్నారు. ఎన్టీఆర్ కొరటాల శివ కాంబినేషన్ లో తెరకెక్కుతున్న సినిమా ఎన్టీఆర్ కెరీర్ లో మరో బ్లాక్ బస్టర్ హిట్ గా నిలుస్తుందని ఎన్టీఆర్ ఫ్యాన్స్ భావిస్తున్నారు.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
