Jr NTR: ప్రశాంత్ నీల్ మూవీకి తారక్ రెమ్యునరేషన్ తెలిస్తే షాకవ్వాల్సిందే!

టాలీవుడ్ ఇండస్ట్రీలో పారితోషికం విషయంలో పెద్దగా బెట్టు చేయని హీరోలలో జూనియర్ ఎన్టీఆర్ (Jr NTR) ఒకరు. ఆర్ఆర్ఆర్ (RRR) సినిమాకు 40 కోట్ల రూపాయల రేంజ్ లో పారితోషికం అందుకున్న తారక్ దేవర (Devara) , వార్2 సినిమాలకు పరిమితంగానే పారితోషికం అందుకుంటున్నారు. ఈ మధ్య కాలంలో తారక్ సినిమాలేవీ థియేటర్లలో రిలీజ్ కాకపోయినా తారక్ క్రేజ్ మాత్రం అంతకంతకూ పెరుగుతున్న సంగతి తెలిసిందే. పెరుగుతున్న క్రేజ్ కు అనుగుణంగా తారక్ ప్రశాంత్ సినిమాకు 130 కోట్ల రూపాయల రేంజ్ లో తారక్ రెమ్యునరేషన్ తీసుకుంటున్నారని తెలుస్తోంది.

మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా ఈ సినిమాను నిర్మిస్తున్నాయి. ఎన్టీఆర్ ప్రశాంత్ నీల్ (Prashanth Neel) కాంబో మూవీకి సంబంధించి త్వరలో క్రేజీ అప్ డేట్స్ వచ్చే అవకాశాలు అయితే ఉన్నాయి. దేవర, వార్2 షూట్ ను పూర్తి చేసి తారక్ ఈ సినిమాకు ప్రాధాన్యత ఇవ్వనున్నారు. ఎన్టీఆర్ ఫ్యాన్స్ అంచనాలను మించి ఈ సినిమా ఉండనుందని తెలుస్తోంది. విదేశాల్లోని ప్రముఖ లొకేషన్స్ లో ఈ సినిమా షూటింగ్ జరగనుందని సమాచారం అందుతోంది.

ఈ సినిమాలో రష్మిక (Rashmika) హీరోయిన్ గా నటిస్తున్నట్టు వార్తలు వినిపిస్తున్నా ఈ వార్తల్లో నిజం ఉందో లేదో తెలియాల్సి ఉంది. ఎన్టీఆర్ ప్రశాంత్ కాంబో మూవీ బడ్జెట్ భారీ స్థాయిలో ఉండనుందని తెలుస్తోంది. ఎన్టీఆర్ ప్రశాంత్ కాంబో సినిమాకు ఎన్నో టైటిల్స్ వినిపిస్తున్నా ఆ టైటిల్స్ లో నిజానిజాలు తెలియాల్సి ఉంది. ఈ సినిమా సంథింగ్ స్పెషల్ అనేలా ఉండబోతుందని ఇండస్ట్రీ వర్గాల్లో వినిపిస్తోంది.

జూనియర్ ఎన్టీఆర్ టాలెంట్ ను సరిగ్గా వాడుకునే దర్శకుడు ప్రశాంత్ నీల్ మాత్రమేనని కామెంట్లు వినిపిస్తున్నాయి. తారక్ అన్ని వర్గాల ప్రేక్షకులకు నచ్చే కథలకు ప్రాధాన్యత ఇస్తున్నారని భోగట్టా. యంగ్ టైగర్ ఎన్టీఆర్ ప్రశాంత్ నీల్ కాంబో మూవీ కోసం 2026 వరకు ఆగాల్సిందేనని సమాచారం అందుతోంది.