జూనియర్ ఎన్టీఆర్ స్టైలిష్ హుడీ, స్నీకర్స్ కాస్ట్ ఎంతో తెలుసా..?

యంగ్ టైగర్ ఎన్టీఆర్.. ఈ జెనరేషన్ హీరోల్లో అభిమానులను కుటుంబ సభ్యుల్లా భావించే స్టార్ హీరో.. ఏ కార్యక్రమంలో మాట్లాడినా చివర్లో క్షేమంగా ఇంటికి వెళ్లమని కేరింగ్‌గా చెప్తూ.. అనునిత్యం వారి క్షేమాన్ని కాంక్షిస్తుంటాడు.. అలాగే తన సినిమా ప్రారంభంలో రోడ్డు ప్రమాదాల్లో మరణించిన నాన్న హరికృష్ణ, అన్నయ్య జానకి రామ్‌లను చూపిస్తూ జాగ్రత్తలు పాటించమని చెప్తుంటాడు.. నందమూరి వంశం నుండి మూడో తరం హీరోగా ఎంట్రీ ఇచ్చినా అతి తక్కువ సమయంలోనే తనకంటూ ప్రత్యేకమైన అభిమానగణాన్ని సంపాదించుకున్నాడు..

‘ఆర్ఆర్ఆర్’ ఆస్కార్ సాధించింది.. తారక్ హైదరాబాద్ తిరిగి వచ్చేశాడు.. వచ్చాక తను పాల్గొన్న ఫస్ట్ ఈవెంట్ ‘మాస్ కా దాస్’ విశ్వక్ సేన్ హీరోగా నటిస్తూ.. డైరెక్ట్ చేసిన ‘దాస్ కా ధమ్కీ’ ప్రీ రిలీజ్ ఈవెంట్.. శుక్రవారం (మార్చి 17) రాత్రి జరిగిన ఈ వేడుకలో ఆస్కార్ గురించి, విశ్వక్ సేన్ సినిమా గురించి మాట్లాడాడు తారక్.. సినిమా కచ్చితంగా సక్సెస్ అవుతుందని ఆశాభావం వ్యక్తం చేశాడు..అయితే ఈవెంట్‌లో స్టైలిష్ డ్రెస్సింగ్‌తో సెంటరాఫ్ అట్రాక్షన్‌గా నిలిచాడు తారక్..

హుడీ, స్నీకర్స్‌తో సింపుల్ అండ్ స్టైలిష్‌గా కనిపించాడు.. ఇక ఫ్యాన్స్ ఆలస్యం చేయకుండా రంగంలోకి దిగారు.. ఎప్పటిలానే తమ అభిమాన నటుడు ధరించిన హుడీ అండ్ స్నీకర్స్ కాస్ట్ గురించి నెట్టింట సెర్చ్ చేశారు.. వాటికి సంబంధించిన వివరాలతో సామాజిక మాధ్యమాలలో పోస్టులు చేస్తున్నారు..

తారక్ వేసుకున్నది Onitsuka Tiger Hoodie – దీని కాస్ట్.. రూ. 14,967/- (170 డాలర్స్).. Balenciaga Sneakers – కాస్ట్ – రూ. 94,911/- (1150 డాలర్స్).. స్టైలిష్ హుడీ అండ్ స్నీకర్స్‌లో జూనియర్ ఎన్టీఆర్ భలే ఉన్నాడంటూ ఫ్యాన్స్ కామెంట్స్ చేస్తున్నారు.. RRR తర్వాత కొరటాల శివ డైరెక్షన్లో చేస్తున్న సినిమా మార్చి 23న పూజా కార్యక్రమాలతో ప్రారంభం కానుంది.. ఈ మూవీతో జాన్వీ కపూర్ బాలీవుడ్ ఎంట్రీ ఇస్తుంది.. సైఫ్ అలీ ఖాన్ విలన్‌గా కనిపించనున్నాడని సమాచారం..

రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!

2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్