Devara: దేవర కోసం తారక్ రిస్క్.. ఆ భాషల్లో సైతం వాయిస్ వినబోతున్నామా?

యంగ్ టైగర్ జూనియర్ ఎన్టీఆర్ (Jr NTR) , కొరటాల శివ (Koratala Siva) కాంబినేషన్ లో తెరకెక్కుతున్న దేవర (Devara)  మూవీ విడుదలకు సమయం దగ్గర పడే కొద్దీ ఈ సినిమాపై అంచనాలు అంతకంతకూ పెరుగుతున్నాయి. రిలీజ్ కు నెల రోజుల సమయం మాత్రమే ఉండగా ఈ సినిమా పోస్ట్ ప్రొడక్షన్ పనులు సైతం శరవేగంగా జరుగుతున్నాయని ఇండస్ట్రీ వర్గాల్లో వినిపిస్తోంది. అయితే దేవర కోసం తారక్ మరో రిస్క్ తీసుకుంటున్నారని సమాచారం. ఇతర భాషల్లో సైతం తారక్ తన పాత్రకు తానే డబ్బింగ్ చెప్పనున్నారని తెలుస్తోంది.

Devara

హిందీ, కన్నడ, తమిళ వెర్షన్లలో తారక్ వాయిస్ వినిపించనుందని భోగట్టా. తారక్ కు ఇతర భాషల్లో సైతం భారీ స్థాయిలో అభిమానులు ఉన్నారు. ఆర్ఆర్ఆర్ (RRR)  సినిమాకు సైతం ఇతర భాషల్లో తారక్ డబ్బింగ్ చెప్పి వార్తల్లో నిలవగా ఈ సినిమా కోసం కూడా తారక్ అదే స్థాయిలో కష్టపడుతున్నారని తెలిసి ఫ్యాన్స్ ఆశ్చర్యపోతున్నారు. జూనియర్ ఎన్టీఆర్ సినిమా విషయంలో చూపించే డెడికేషన్ మామూలు డెడికేషన్ కాదనే కామెంట్లు వినిపిస్తున్నాయి.

దేవర సినిమా ఎలా ఉండబోతుందో అనే ఆసక్తి ప్రేక్షకుల్లో నెలకొంది. అభిమానులు కాలర్ ఎగరేసే సినిమా దేవర అని తారక్ మాట ఇచ్చిన నేపథ్యంలో ఈ సినిమా ఆ నమ్మకాన్ని నిజం చేసే సినిమా కావాలని అభిమానులు సైతం మనస్పూర్తిగా కోరుకుంటున్నారు. దేవర సినిమాకు క్రమంగా పోటీ సైతం తగ్గుతోందని దసరా రేసు నుంచి ఒక భారీ బడ్జెట్ మూవీ తప్పుకోనుందని వైరల్ అవుతున్న వార్తల సారాంశం.

దేవర సినిమాలో జాన్వీ కపూర్ (Janhvi Kapoor)  , సైఫ్ అలీ ఖాన్ (Saif Ali Khan) నటించడం ఈ సినిమాకు బిజినెస్ పరంగా ప్లస్ అవుతోంది. దేవర సినిమా యాక్షన్ ప్రేక్షకులకు సైతం ఫుల్ మీల్స్ లా ఉండనుందని తెలుస్తోంది. త్వరలో ఈ సినిమాకు సంబంధించి క్రేజీ అప్ డేట్స్ రానున్నాయి.