యంగ్ టైగర్ జూనియర్ ఎన్టీఆర్ (Jr NTR) , లక్ష్మీ ప్రణతి జోడీ క్యూట్ జోడీ అనే సంగతి తెలిసిందే. ఈ జంటకు ఎంతోమంది ఫ్యాన్స్ ఉన్నారు. అయితే లక్ష్మీ ప్రణతి సోషల్ మీడియాకు పూర్తిస్థాయిలో దూరంగా ఉంటారు. పిల్లల పెంపకమే లక్ష్మీ ప్రణతికి ప్రథమ ప్రాధాన్యత కావడంతో ఆమె దానికే ప్రాధాన్యత ఇస్తున్నారు. జూనియర్ ఎన్టీఆర్ భార్యను అమ్ములు అని ముద్దుగా పిలుస్తారని అలా పిలవడం లక్ష్మీ ప్రణతికి కూడా ఇష్టమని తెలుస్తోంది.
రామయ్యా వస్తావయ్యా (Ramayya Vasthavayya) సినిమాలో శృతి హాసన్ (Shruti Haasan) పాత్ర పేరు కూడా అమ్ములు అనే సంగతి తెలిసిందే. అయితే రామయ్యా వస్తావయ్యా సినిమాకు ముందు లక్ష్మీ ప్రణతికి అమ్ములు అనే పేరు పెట్టారో ఈ సినిమా తర్వాత అమ్ములు అనే పేరు పెట్టారో తెలియాల్సి ఉంది. లక్ష్మీ ప్రణతికి మాత్రం ఈ పేరు బాగా సూట్ అయిందని నెటిజన్ల నుంచి కామెంట్లు వ్యక్తమవుతూ ఉండటం గమనార్హం.
జూనియర్ ఎన్టీఆర్ ప్రస్తుతం దేవర (Devara) సినిమా పనులతోనే బిజీగా ఉన్నారు. ఈ సినిమాను అత్యంత భారీ స్థాయిలో ప్లాన్ చేస్తున్నారు. రికార్డ్ స్థాయి స్క్రీన్లలో సోలోగా ఈ సినిమా రిలీజ్ అయ్యేలా మేకర్స్ ప్లాన్ చేస్తున్నారు. దసరా కానుకగా రిలీజ్ కావడం ఈ సినిమాకు అదనపు అడ్వాంటేజ్ కానుంది. లక్ష్మీ ప్రణతి మీడియాకు, ఇంటర్వ్యూలకు దూరంగా ఉన్నారు. తారక్, ప్రణతి కలిసి ఇంటర్వ్యూలు ఇస్తే బాగుంటుందని కామెంట్లు వినిపిస్తున్నాయి.
జూనియర్ ఎన్టీఆర్ లైనప్ నెక్స్ట్ లెవెల్ లో ఉండగా అదిరిపోయే ప్రాజెక్ట్ లతో బిజీగా ఉన్న తారక్ తర్వాత సినిమాలతో గత సినిమాలను మించిన హిట్లను అందుకోవాలని ఫ్యాన్స్ భావిస్తున్నారు. ఎన్టీఆర్ రాజమౌళి (S. S. Rajamouli) కాంబినేషన్ రిపీట్ కావాలని ఫ్యాన్స్ కోరుకుంటుండగా ఏం జరుగుతుందో చూడాల్సి ఉంది. రాజమౌళి మాత్రం ఛాన్స్ ఉంటే జూనియర్ ఎన్టీఆర్ తో కచ్చితంగా మరో సినిమా చేయాలని భావిస్తున్నట్టు తెలుస్తోంది.
