జూనియర్ ఎన్టీఆర్ (Jr NTR) , జాన్వీ కపూర్ జంటగా కొరటాల శివ (Koratala Siva) డైరెక్షన్ లో తెరకెక్కుతున్న దేవర (Devara) సినిమాపై అంచనాలు అంతకంతకూ పెరుగుతుండగా తాజాగా ఈ సినిమా సెన్సార్ పూర్తి చేసుకుంది. వాస్తవానికి ఈరోజు ఈ సినిమాకు సంబంధించిన సెన్సార్ కార్యక్రమాలు జరగాల్సి ఉన్నా ముహూర్తం, సెంటిమెంట్స్ ప్రకారం నిన్ననే ఈ సినిమా సెన్సార్ పూర్తి చేసినట్టు తెలుస్తోంది. సెన్సార్ సభ్యుల నుంచి ఈ సినిమా యు/ఎ సర్టిఫికెట్ వచ్చినట్టు సమాచారం అందుతోంది.
దేవర (Devara) నిడివి 2 గంటల 55 నిమిషాలు కాగా థియేటర్లలో ప్రదర్శించే వెర్షన్ నిడివి కొంతమేర తగ్గే అవకాశాలు అయితే ఉన్నాయి. దేవర ట్రైలర్ కు సంబంధించి వస్తున్న కొన్ని నెగిటివ్ కామెంట్లను సైతం పరిగణనలోకి తీసుకుని సినిమా ఔట్ పుట్ మరింత మెరుగ్గా ఉండేలా మేకర్స్ జాగ్రత్త పడనున్నారని సమాచారం. దేవర సినిమాకు సంబంధించిన వర్క్స్ అన్నీ దాదాపుగా పూర్తయ్యాయని తెలుస్తోంది.సెన్సార్ సభ్యుల నుంచి ఈ సినిమాకు పాజిటివ్ టాక్ వినిపిస్తోంది.
ఎలాంటి టెన్షన్ లేకుండానే దేవర (Devara) యూనిట్ ప్రమోషన్స్ కార్యక్రమాల్లో పాల్గొననున్నారు. దేవర ట్రైలర్ రిలీజ్ తర్వాత ఓవర్సీస్ బుకింగ్స్ మరింత పుంజుకున్నాయి. దేవర సినిమా ఎన్టీఆర్ కెరీర్ లోని బ్లాక్ బస్టర్ సినిమాలలో ఒకటిగా నిలవడం పక్కా అనే కామెంట్లు వ్యక్తమవుతున్నాయి. దేవర క్లైమాక్స్ ట్విస్ట్ గురించి వేర్వేరు వార్తలు ప్రచారంలోకి వస్తుండటం గమనార్హం. దేవర మూవీలో తండ్రి పాత్ర చనిపోతుందని జోరుగా ప్రచారం జరుగుతోంది.
దేవర సీక్వెల్ లో బాబీ డియోల్ (Bobby Deol ) విలన్ గా నటిస్తారని వినిపిస్తుండగా ఏం జరుగుతుందో చూడాల్సి ఉంది. దేవర నైజాం హక్కులు 42 కోట్ల రూపాయలకు అమ్ముడవగా ఆంధ్ర హక్కులు 55 కోట్ల రూపాయలకు అమ్ముడయ్యాయని తెలుస్తోంది. దేవర సీడెడ్ హక్కుల గురించి మాత్రం క్లారిటీ రావాల్సి ఉంది. దేవర ఇంటర్వెల్ ట్విస్ట్ సైతం అదిరిపోతుందని సెన్సార్ సభ్యుల నుంచి తెలుస్తోంది. దేవర సరికొత్త రికార్డులు క్రియేట్ చేయాలని ఫ్యాన్స్ ఫీలవుతున్నారు.
