జూనియర్ ఎన్టీఆర్ (Jr NTR) బాలీవుడ్ లో తనకంటూ ప్రత్యేక స్థానాన్ని ఏర్పరుచుకోవడానికి కసరత్తులు చేస్తున్న సంగతి తెలిసిందే. ‘ఆర్ఆర్ఆర్’తో (RRR) అక్కడ మంచి గుర్తింపు తెచ్చుకున్న తారక్, ఇప్పుడు ‘వార్ 2’ సినిమాతో హిందీ ఫిల్మ్ ఇండస్ట్రీలో మరింత ఆకట్టుకోవాలని చూస్తున్నారు. హృతిక్ రోషన్ (Hrithik Roshan) ప్రధాన పాత్రలో తెరకెక్కుతున్న ఈ సినిమా కోసం ఎన్టీఆర్ ఒక కీలక పాత్రలో కనిపించనున్నారు. ఈ చిత్రాన్ని యష్ రాజ్ ఫిల్మ్స్ నిర్మిస్తోంది. స్పై యూనివర్స్ లో రూపొందుతోన్న ఈ సినిమాలో తారక్ స్పై ఏజెంట్ పాత్రలో కనిపిస్తారని ప్రచారం జరుగుతోంది.
ఏజెంట్ పాత్ర నెగిటివ్ టచ్ తో ఉంటుందని, హృతిక్ రోషన్‌తో పవర్ ప్యాక్డ్ సీన్స్ ఉంటాయని టాక్. కానీ, ఇప్పటివరకు వార్-2 టీమ్ నుంచి ఈ అంశంపై ఎలాంటి అధికారిక ప్రకటన రాలేదు. ఫ్యాన్స్ చాలా రోజుల నుంచి తారక్ లుక్ కోసం ఎదురు చూస్తున్నారు. తాజాగా వార్-2 షూటింగ్ సెట్స్ నుంచి తారక్ లుక్ లీక్స్ అవ్వడం అభిమానులను ఆశ్చర్యంలో ముంచెత్తింది.
లీక్ అయిన ఫోటోల్లో తారక్ బ్రౌన్ టీ షర్ట్, ఆర్మీ స్టైల్ జాకెట్ లో కనిపిస్తూ, దూకుడు నడకలో ఉన్నారు. మాస్ లుక్ లో తారక్ కనిపించడం, ఆ లుక్స్ చూసిన ప్రతి ఒక్కరూ అభిమానంతో స్పందిస్తున్నారు. సోషల్ మీడియాలో తారక్ లీక్డ్ పిక్చర్స్ రకరకాల మీమ్స్, పోస్టులతో వైరల్ అవుతున్నాయి. తారక్ లుక్ గురించి ఫ్యాన్స్ చెప్పిన వ్యాఖ్యలు చూస్తే, వార్-2 పై అంచనాలు మరింత పెరుగుతున్నాయని స్పష్టంగా తెలుస్తోంది.
‘‘తారక్ మాస్ లుక్ హై వోల్టేజ్ తరహాలో ఉంది,’’ అని ఫ్యాన్స్ కామెంట్లు చేస్తున్నారు. ఈ లుక్స్ యాక్షన్ సీన్స్ లోనివేనని, హృతిక్ తో తారక్ కి ఉన్న ఫేస్ టు ఫేస్ ఎపిసోడ్స్ గూస్ బంప్స్ తెప్పిస్తాయని చెబుతున్నారు. ‘వార్ 2’ సినిమా 2025 ఆగస్టు 14న విడుదలకు సిద్ధమవుతోంది. అప్పుడు ఈ స్పై థ్రిల్లర్ సినిమాతో తారక్ హిందీ మార్కెట్లో తనదైన ముద్ర వేస్తాడని ట్రేడ్ వర్గాలు ఆశిస్తున్నాయి.
Home