KA Trailer Review: కిరణ్ అబ్బవరం ఈసారి హిట్ కొట్టేలానే ఉన్నాడు!

వరుస ఫ్లాపుల అనంతరం కొంత గ్యాప్ తీసుకున్న కిరణ్ అబ్బవరం (Kiran Abbavaram) , ఈసారి కంటెంట్ ఉన్న ప్రొడక్ట్ తో లేటైనా, లేటెస్ట్ గా వస్తున్నాడు. కిరణ్ అబ్బవరం నటించి, నిర్మాణ భాగస్వామిగానూ వ్యవహరించిన చిత్రం “క” (KA). మిస్టికల్ మిస్టరీ ఎంటర్ టైనర్ గా రూపొందిన ఈ చిత్రానికి సందీప్ & సుజీత్ ద్వయం దర్శకత్వం వహించారు. నయన్ సారిక (Nayan Sarika) కథానాయికగా నటించిన ఈ చిత్రం ట్రైలర్ ను నిన్న విడుదల చేయాలనుకున్నప్పటికీ.. టెక్నికల్ గ్లిట్జ్ కారణంగా ఇవాళ విడుదల చేశారు.

KA Trailer Review

మధ్యాహ్నం 3 గంటలకే చీకటి పడిపోయే కృష్ణగిరి అనే గ్రామంలో చోటు చేసుకునే ఓ గ్రామంలో పోస్ట్ మ్యాన్ గా పని చేసే హీరో ఓ కేసులో ఇరుక్కుంటాడు. ఆ కేసు నుంచి ఎలా బయటపడ్డాడు? హీరో నిజంగానే అమాయకుడా? లేక నటిస్తున్నాడా? ఇలా చాలా ప్రశ్నలు లేవనెత్తాడు ట్రైలర్ లో. ఏదో ఒక అంశం గురించి అయితే దాచి పెట్టారని తెలుస్తోంది. టెక్నికల్ గా & కంటెంట్ పరంగా చాలా ఇంట్రెస్టింగ్ గా ఉంది ట్రైలర్.

సో, అక్టోబర్ 31న విడుదలవుతున్న “క”తో తన ఫ్లాపుల స్ట్రిక్ నుంచి బయటపడి కిరణ్ అబ్బవరం మంచి సూపర్ హిట్ కొడతాడేమో చూడాలి. పాపం “మీటర్ (Meter) , రూల్స్ రంజన్ (Rules Ranjann) ” తర్వాత భీభత్సమైన ట్రోల్స్ ఫేస్ చేసిన కిరణ్ అబ్బవరం, “క”తో తన పూర్వ వైభవాన్ని తిరిగి పొందుతాడేమో చూడాలి.

తెలుగుతోపాటుగా తమిళ, కన్నడ, మలయాళ, హిందీ భాషల్లోనూ విడుదలవుతున్న ఈ సినిమా తమిళనాట మాత్రం ఒకవారం లేటుగా విడుదలవుతుంది. మరి ఈ ప్యాన్ ఇండియన్ రిలీజ్ తర్వాత కిరణ్ అబ్బవరం స్థాయి ఏమేరకు పెరుగుతుందో చూడాలి. ఇకపోతే.. అదే తేదీన (అక్టోబర్ 31) తెలుగులోనే “లక్కీ భాస్కర్(Lucky Baskhar) , అమరన్(Amaran)” వంటి భారీ సినిమాలు కూడా లైన్ లో ఉండడం గమనార్హం.

 ‘ది రాజా సాబ్’లో కథలో ట్విస్ట్ ఏమిటంటే..!