Kalki 2898 AD OTT: కల్కి ఓటీటీ రిలీజ్ విషయంలో మేకర్స్ ప్లాన్ తెలిస్తే షాకవ్వాల్సిందే!

ప్రభాస్ (Prabhas) నాగ్ అశ్విన్ (Nag Ashwin) కాంబినేషన్ లో తెరకెక్కుతున్న కల్కి 2898 ఏడీ (Kalki 2898 AD)  సినిమాపై భారీ స్థాయిలో అంచనాలు నెలకొన్నాయి. ఈ సినిమాకు సంబంధించి తాజాగా విడుదలైన రిలీజ్ ట్రైలర్ కు ప్రేక్షకుల నుంచి మంచి రెస్పాన్స్ వస్తోంది. రెండు ట్రైలర్లు ఒకదానిని మించి మరొకటి ఉన్నాయి. 3 గంటల నిడివితో ఈ సినిమా థియేటర్లలో విడుదల కానుంది. సోమవారం సాయంత్రం నుంచి పెంచిన టికెట్ రేట్లతో ఈ సినిమా బుకింగ్స్ మొదలుకానున్నాయి.

అయితే విజువల్ వండర్ గా తెరకెక్కుతున్న కల్కి 2898 ఏడీ విడుదలైన తక్కువ సమయంలోనే ఓటీటీలో స్ట్రీమింగ్ అవుతుందని భావిస్తే మాత్రం షాక్ తప్పదని తెలుస్తోంది. ఈ సినిమా ఏకంగా ఎనిమిది వారాల తర్వాత ఓటీటీలో స్ట్రీమింగ్ కానుందని భోగట్టా. కల్కి సినిమాకు థియేట్రికల్ రన్ ఎక్కువగా ఉంటుందని భావించి మేకర్స్ ఈ నిర్ణయం తీసుకున్నారని సమాచారం అందుతోంది.

కల్కి ఓటీటీ రిలీజ్ విషయంలో మేకర్స్ ప్లాన్ తెలిస్తే షాకవ్వాల్సిందే అంటూ నెటిజన్ల నుంచి అభిప్రాయాలు వ్యక్తమవుతున్నాయి. కల్కి సినిమా ఫస్ట్ పార్ట్ ఈ రేంజ్ లో ఉంటే సెకండ్ పార్ట్ ఏ రేంజ్ లో ఉంటుందో అనే చర్చ సైతం జరుగుతోంది. ప్రభాస్ కోరుకున్న భారీ బ్లాక్ బస్టర్ హిట్ కల్కి సినిమాతో దక్కే అవకాశాలు ఉన్నాయి. భారతీయ సినీ చరిత్రలో ఈ సినిమా ప్రత్యేకం అని కామెంట్లు వినిపిస్తున్నాయి.

బుకింగ్స్ మొదలైతే ఈ సినిమా క్రియేట్ చేసే రికార్డులు మాత్రం అన్నీఇన్నీ కావని ఫ్యాన్స్ అభిప్రాయపడుతున్నారు. కల్కి రిలీజ్ తర్వాత నాగ్ అశ్విన్ డైరెక్షన్ లో నటించడానికి టాలీవుడ్ స్టార్స్ పోటీ పడే అవకాశాలు అయితే ఉంటాయి. కల్కి 2898 ఏడీ సినిమా రిలీజ్ తర్వాత సృష్టించే సంచలనాలు తెలియాలంటే మరికొన్ని రోజులు ఆగాల్సిందే. ప్రభాస్ ఫ్యాన్స్ ను ఈ సినిమా అంచనాలను మించి మెప్పిస్తుందేమో చూడాలి.