Kamal Haasan, Pawan Kalyan: పవన్ పై ప్రశంసల వర్షం కురిపించిన కమల్ హాసన్.. అలా చెప్పడంతో?

జనసేన పార్టీ అధినేత, పవర్ స్టార్ పవన్ కళ్యాణ్ (Pawan Kalyan) 2024 ఎన్నికల్లో ఎవరి ఊహలకు అందని స్థాయిలో 21 స్థానాల్లో పార్టీని గెలిపించుకుని వార్తల్లో నిలిచిన సంగతి తెలిసిందే. జనసేన నుంచి పోటీ చేసిన అభ్యర్థులకు భారీ స్థాయిలో మెజారిటీలు రావడం సోషల్ మీడియా వేదికగా హాట్ టాపిక్ అవుతోంది. పవన్ కళ్యాణ్ సాధించిన విజయం గురించి ప్రశంసిస్తూ కమల్ హాసన్ ఆసక్తికర వ్యాఖ్యలు చేశారు. సోషల్ మీడియా పోస్ట్ ద్వారా కమల్ హాసన్ (Kamal Haasan) తన మనస్సులోని భావాలను వెల్లడించారు.

ఎన్నికల్లో విజయం అందుకున్న పవన్ కు నా హృదయ పూర్వక శుభాకాంక్షలు అని కమల్ కామెంట్లు చేశారు. ఏపీ ప్రజల ఆశలు, ఆకాంక్షలు నెరవేర్చడానికి పవన్ చేస్తున్న ప్రయాణానికి ఆల్ ది బెస్ట్ చెప్పానని ఆయన చెప్పుకొచ్చారు. పవన్ తో సంభాషిస్తూ ఎమోషనల్ అయ్యానని కమల్ హాసన్ పేర్కొన్నారు. మిమ్మల్ని చూస్తుంటే గర్వంగా ఉంది బ్రదర్ అని కమల్ పవన్ గురించి కామెంట్లు చేశారు.

పవన్ కళ్యాణ్, విక్టరీ, లీడర్ షిప్ అనే హ్యాష్ ట్యాగ్స్ ను ఆయన జత చేశారు. పవన్ కళ్యాణ్ పొలిటికల్ కెరీర్ పరంగా అంతకంతకూ పెరుగుతుండటం ఫ్యాన్స్ కు ఎంతో సంతోషాన్ని గెలుస్తోంది. పవన్ కళ్యాణ్ ఇకపై ఎంచుకునే సినిమాల విషయంలో కూడా కొన్ని మార్పులు జరగనున్నాయని తెలుస్తోంది. పవన్ కళ్యాణ్ ఇప్పటికే ఓకే చెప్పిన సినిమాలలో ఒకటి లేదా రెండు సినిమాలు ఈ ఏడాది విడుదలయ్యే ఛాన్స్ అయితే ఉంది.

పవన్ కళ్యాణ్ ప్రస్తుతం నటిస్తున్న సినిమాలపై భారీ స్థాయిలో అంచనాలు ఏర్పడగా ఈ సినిమాలు బిజినెస్ పరంగా అదరగొడుతున్నాయి. ఒక్కో సినిమాకు 60 కోట్ల రూపాయల రేంజ్ లో పవన్ పారితోషికం ఉండగా పవన్ ప్రస్తుతం నటిస్తున్న సినిమాలు సక్సెస్ సాధిస్తే పవన్ రేంజ్ అంతకంతకూ పెరిగే అవకాశాలు ఉంటాయి.

Had an emotional conversation and conveyed my heartfelt congratulations to Shri @PawanKalyan on his electoral triumph! I wished him the best as he embarks on this journey of serving the hopes and aspirations of the people of Andhra Pradesh.

Proud of you brother!…

— Kamal Haasan (@ikamalhaasan) June 7, 2024