‘ప్రాజెక్ట్ కె’… సైలెంట్గా షూటింగ్ జరుపుకుంటున్న ఓ అద్భుతం. ఈ మాట మేం అనడం లేదు. ఆ సినిమా గురించి వస్తున్న వార్తలు, పుకార్లు చూసి అభిమానులు, నెటిజన్లు అంటున్న మాట ఇది. ఎందుకంటే సినిమా గురించి ఇప్పటివరకు వచ్చిన వీడియోలు, ఫొటోలు, గాసిప్స్, వార్తలు.. అలా ఉన్నాయి మరి. పెద్ద సినిగా స్టార్ట్ చేస్తున్నారు, ప్రతిష్ఠాత్మకంగా ఉండేలా చూసుకుంటున్నారు అని అనుకున్నాం కానీ… ఇప్పుడు చూస్తే సినిమాను అంతకుమించి అనేలా రూపొందిస్తున్నారు.
ఇప్పుడు ఈ మాట ఎందుకు డిస్కషన్లోకి వచ్చింది అంటే ఈ సినిమాలో ఓ ప్రధాన పాత్ర కోసం ఓ నటుడికి ఏకంగా రూ. 100 కోట్లు ఇవ్వడానికి రెడీ అయ్యారు కాబట్టి. పారితోషికం విషయంలో ఎంతవరకు నిజం ఉందో తెలియదు కానీ… ఆ నటుడు సినిమాలో భాగం కావడం మాత్రం నిజం అంటున్నారు. అతనే కమల్ హాసన్. అవును ఈ సినిమాలో లోక నాయకుడు కమల్ హాసన్ నటించడం దాదాపు ఫిక్స్ అంటున్నారు. త్వరలో ఈ విషయమై ప్రకటన కూడా రావొచ్చు అని చెబుతున్నారు.
సినిమా ఇప్పటికే అమితాబ్ బచ్చన్, దీపికా పడుకొణె లాంటి బాలీవుడ్ స్టార్లు ఉన్నారు. అయినా ఈ స్టార్ అట్రాక్షన్ సరిపోదు అనుకున్నారేమో ఏకంగా కమల్ హాసన్ను రంగంలోకి దింపుతున్నారు. నెగటివ్ షేడ్స్ ఉన్న కీలకమైన క్యారెక్టర్ కావడంతో కమల్ (Kamal Haasan) అయితేనే బెటన్ అని టీమ్ భావించిందట. దానికితోడు ఆ పాత్రకు ఆయన తప్ప ఇంకెవరు న్యాయం చేయలేరని దర్శకుడు నాగ అశ్విన్ ఫిక్స్ అయ్యారట. అయితే దీని వెనుక తెలివైన ఎత్తుగడ ఉందని చెబుతున్నారు.
ఇప్పటివరకు తెలుగులో రూపొందిన పాన్ ఇండియా సినిమాల్లో ఎక్కువగా తెలుగు, హిందీ తారలే నటించారు. దీంతో వాటికి తమిళనాట పెద్దగా వసూళ్లు లేవు. ఈ నేపథ్యంలో ‘ప్రాజెక్ట్ కె’కి తమిళనాట కూడా మంచి వసూళ్లు దక్కేలా తమిళ స్టార్లను తీసుకుంటున్నారట. 2024 జనవరి 12 విడుదల టార్గెట్గా ఈ సినిమా సిద్ధమవుతోంది.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
