యూనివర్శల్ హీరో కమల్ హాసన్.. రాజ్ కమల్ ఇంటర్నేషనల్ పేరుతో బ్యానర్ ను మొదలుపెట్టి నిర్మాతగా సినిమాలు చేస్తోన్న సంగతి తెలిసిందే. ‘విక్రమ్’ సినిమాను ప్రొడ్యూస్ చేసింది కూడా కమలే. ఈ మధ్య ఆయన నటిస్తోన్న సినిమాలన్నీ సొంత బ్యానర్ లోనే తెరకెక్కిస్తున్నారు. అయితే తొలిసారి ఆయన మరో హీరోతో సినిమా చేయబోతున్నారు. ఆ హీరో మరెవరో కాదు.. సూర్య. ‘విక్రమ్’ సినిమాలో సూర్య క్యామియో రోల్ లో కనిపించనున్నారు.
అయితే సూర్యతో పూర్తి స్థాయి సినిమా చేయాలని కమల్ చాలా రోజులుగా అనుకుంటున్నారు. సూర్య కోసం చాలా కథలు కూడా విన్నానని ఇటీవల ఓ ఇంటర్వ్యూలో చెప్పుకొచ్చారు కమల్. కానీ ఏదీ సెట్ కాలేదని.. అయితే త్వరలోనే తప్పకుండా సూర్యతో ఓ సినిమా చేస్తానని చెప్పుకొచ్చారు. ఇక ‘విక్రమ్’ సినిమాలో సూర్య ఎంట్రీ గురించి మాట్లాడారు కమల్. ముందుగా సినిమాలో గెస్ట్ రోల్ ఉందని దర్శకుడు చెప్పినప్పుడు.. సూర్య అయితే బాగుంటుందనిపించిందని అన్నారు కమల్.
సాధారణంగా ఇలాంటి ఆబ్లికేష‌న్స్ ని చాలా జాగ్రత్తగా హ్యాండిల్ చేయాల్సి వస్తుందని.. హీరో ఇంటికెళ్లి, ఓ బొకే ఇచ్చి.. కాసేపు మాట్లాడి.. అప్పుడు మా సినిమాలో నటిస్తారా..? అని అడగాలని.. కానీ తనకు అంత సమయం లేకపోయిందని అన్నారు కమల్. దీంతో సూర్యకి ఒక్క ఫోన్ చేశానని.. వెంటనే ఆయన ఒప్పుకున్నారని తెలిపారు. ‘మీరు ఎప్పుడు రమ్మంటే అప్పుడు వస్తా అన్నయ్య’ అని సూర్య హామీ ఇచ్చారని కమల్ గుర్తు చేసుకున్నారు.
అంతకుమించి ఇంకేం మాట్లాడలేదని.. కనీసం సూర్యకి ఒక బొకే కూడా ఇవ్వలేదని చెప్పుకొచ్చారు. ‘విక్రమ్’ సినిమా రేపే ప్రేక్షకుల ముందుకు రానుంది. ఇందులో విజయ్ సేతుపతి, ఫహద్ ఫాజిల్ లాంటి తారలు నటించడంతో మరింత బజ్ పెరిగింది.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home