సినిమాల కంటే వివాదాల ద్వారా ప్రేక్షకుల్లో కరాటే కళ్యాణి పాపులారిటీని సొంతం చేసుకున్నారు. తాజాగా ఈ నటి చేసిన కామెంట్ల గురించి సోషల్ మీడియా వేదికగా చర్చ జరుగుతోంది. బిగ్ బాస్ సీజన్ 4 కంటెస్టెంట్ అయిన కరాటే కళ్యాణి తాజాగా తాను నిజమైన ప్రేమ కోసం ఎదురుచూస్తున్నానని పెళ్లి, ప్రేమ పేరుతో తనను వాడుకున్నారని కామెంట్లు చేశారు. నిజమైన ప్రేమ దొరికితే భవిష్యత్తులో పెళ్లి చేసుకోవడానికి సిద్ధమేనని కరాటే కళ్యాణి చెప్పుకొచ్చారు.
మంచి అబ్బాయి దొరికితే పెళ్లి చేసుకోవడానికి తాను సిద్ధమేనని కరాటే కళ్యాణి అన్నారు. పిల్లలు అంటే ఉండే ఇష్టం వల్లే రెండుసార్లు పెళ్లి చేసుకున్నా ఆ ఆశ ఇప్పటికీ నెరవేరలేదని కరాటే కళ్యాణి వెల్లడించారు. నేను నిప్పులాంటిదానినని అరచేతితో నిప్పును ఆర్పేయలేరని నిప్పును ఎంతసేపని పట్టుకుంటారని ఆమె చెప్పుకొచ్చారు. అనుమానాలు, మనస్పర్ధల వల్ల గొడవలు జరిగి విడాకులు తీసుకున్నానని ఆమె తెలిపారు. ప్రస్తుతం నచ్చిన విధంగా సంతోషంగా తాను జీవనం సాగిస్తున్నానని కరాటే కళ్యాణి కామెంట్లు చేశారు.
ఆమె చేసిన కామెంట్లు సోషల్ మీడియాలో వైరల్ అవుతున్నాయి. కుటుంబ సమస్యల వల్ల ఒకానొక సమయంలో తాను చనిపోవాలని నిర్ణయం తీసుకున్నానని ఆ సమయంలో నిద్ర మాత్రలు వేసుకున్నా బ్రతికానని ఆమె చెప్పారు. దేవుడు నన్ను బ్రతికించాడంటే తాను భూమిపై ఉండి సాధించాల్సింది ఏదో ఉందని కరాటే కళ్యాణి పేర్కొన్నారు. ప్రస్తుతం ఇతరులకు సాయం చేస్తూ ఒంటరిగా జీవిస్తున్నానని ఆమె అన్నారు. కరాటే కళ్యాణి చేసిన కామెంట్లు సోషల్ మీడియాలో వైరల్ అవుతుండగా నెటిజన్ల నుంచి ఆమె కామెంట్లపై భిన్నాభిప్రాయాలు వ్యక్తమవుతున్నాయి.
భవిష్యత్తులో కరాటే కళ్యాణి మరో పెళ్లి చేసుకుంటారేమో చూడాల్సి ఉంది. కరాటే కళ్యాణి లక్ష్మీ నరసింహ, కృష్ణ, మిరపకాయ్ సినిమాల ద్వారా ఫేమస్ అయ్యారు. బుల్లితెరపై పలు సీరియళ్లలో నెగిటివ్ షేడ్స్ ఉన్న పాత్రలో ఈమె నటిస్తున్నారు. లాక్ డౌన్ సమయంలో కష్టాల్లో ఉన్నవాళ్లకు సాయం చేసి కరాటే కళ్యాణి వార్తల్లో నిలిచారు.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
