Nagarjuna: నాగార్జున అన్నయ్యని కలిసి థాంక్స్ చెప్తాను.

‘వైల్డ్ డాగ్’ చిత్రంతో మరో రెండు రోజుల్లో ప్రేక్షకుల ముందుకు రానున్నాడు కింగ్ నాగార్జున. అషిషోర్‌ సాల్మన్‌ డైరెక్షన్లో తెరకెక్కిన ఈ చిత్రంలో నాగార్జునకి జోడీగా బాలీవుడ్ నటి దియా మీర్జా నటించింది. ‘మ్యాట్నీ ఎంటర్‌టైన్‌మెంట్’ బ్యానర్ పై నిరంజన్‌రెడ్డి, అన్వేష్‌ రెడ్డి లు కలిసి ఈ చిత్రాన్ని నిర్మించారు. ప్రపంచవ్యాప్తంగా ఏప్రిల్‌ 2న ఈ చిత్రం గ్రాండ్‌గా రిలీజ్‌ కాబోతుంది.ఇక ఈ చిత్రం ప్రమోషన్లలో కూడా చాలా యాక్టివ్ గా పాల్గొంటున్నాడు కింగ్ నాగార్జున.

ఇదిలా ఉండగా.. ‘వైల్డ్ డాగ్’ సినిమా విడుదల రోజునే తమిళ హీరో కార్తీ నటించిన ‘సుల్తాన్’ చిత్రం కూడా విడుదల కాబోతుంది. ఈ నేపథ్యంలో ‘వైల్డ్ డాగ్’ ప్రమోషన్లలో కింగ్ నాగార్జున.. ‘నా ‘వైల్డ్ డాగ్’ మూవీ సూపర్ హిట్ అవ్వాలి.. అలాగే నా తమ్ముడు కార్తీ సినిమా కూడా సూపర్ హిట్ అవ్వాలని కోరుకుంటున్నాను’ అంటూ చెప్పుకొచ్చారు. నాగ్ కామెంట్స్ కు కార్తీ ఫిదా అయిపోయాడు.తన సినిమాకి పోటీగా వస్తున్నప్పటికీ .. వాళ్ళ సినిమా ప్రమోషన్లలో తన ‘సుల్తాన్’ పేరుని ప్రస్తావించి..

అది కూడా సూపర్ హిట్ అవ్వాలని చెప్పడం పై కార్తీ ఆనందం వ్యక్తం చేసాడు. ఈ క్రమంలో సుల్తాన్ ప్రమోషన్లలో కార్తీ మాట్లాడుతూ.. ‘నాగార్జున గారు మ‌న‌స్పూర్తిగా నాకు విషెస్ చెప్పారు. ఇక్కడి నుండీ నేను ఆయనకి థాంక్స్ చెప్పేస్తే సరిపోదు. ఆయన్ని పర్సనల్ గా క‌లిసి థ్యాంక్స్ చెప్తాను. ఓ పెద్ద సినిమాతో కలిసి మా సినిమా వ‌స్తోంది. ఇక్క‌డ మంచి సినిమాలను ప్రేక్షకులు ఆదరిస్తూనే ఉంటారు. కాబ‌ట్టి రెండు సినిమాలు సూపర్ హిట్ అవ్వాలని కోరుకుంటున్నాను’ అంటూ కార్తీ చెప్పుకొచ్చాడు. గతంలో వీరిద్దరూ ‘ఊపిరి’ సినిమాలో కలిసి నటించిన సంగతి తెలిసిందే.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!