సెంటర్ ఆఫ్ అట్రాక్షన్ గా కార్తికేయ, పూజ!

“అరవింద సమేత వీర రాఘవ” సినిమా ప్రీ రిలీజ్ వేడుక నిన్న వైభవంగా జరిగింది. ఈ ఈవెంట్ లో ఎన్టీఆర్ సెంటరాఫ్ అట్రాక్షన్ గా  నిలిచారు. తారక్ ఎమోషనల్ కావడంతో గురూజీ త్రివిక్రమ్ శ్రీనివాస్ కూడా మౌనముగా ఉండిపోయారు. ఎన్టీఆర్ మాటలు అతని అభిమానులనే కాదు.. అందరి మనసులను గెలుచుకుంది. అంతలా హిట్ అయిన ఈ వేడుకలో ఆయా చిత్ర నటీనటులు మాత్రమే కాకుండా బయట సెలబ్రెటీస్ సెంటర్ ఆఫ్ అట్రాక్షన్ కావడం విశేషం. వారు ఎవరో కాదు.. దర్శకధీరుడు  రాజమౌళి తనయుడు కార్తికేయ, రాజమౌళికి కాబోయే కోడలు పూజ. ఇద్దరూ జంటగా కూర్చుని చిరునవ్వులు చిందిస్తూ కెమెరాలను తమవైపు తిప్పుకున్నారు.

ఎన్టీఆర్, రాజమౌళి కుటుంబం మధ్య మంచి రిలేషన్ ఉంది. అందుకే ఎన్టీఆర్ సినిమా వేడుకలకి రాజమౌళి హాజరవుతుంటారు. ఈసారి కార్తికేయ తీసుకున్నారు. ఒంటరిగా రాకుండా కాబోయో భార్య పూజ తో హాజరుకావడంతో అందరి దృష్టి వారిపై పడింది. కార్తికేయ, పూజలు ఆరేళ్లుగా ప్రేమించుకొని పెద్దల ఆశీర్వాదంతో నిశ్చితార్ధం చేసుకున్నారు. త్వరలోనే  డెస్టినేషన్ వెడ్డింగ్ చేసుకోనున్నారు. ఒక హిల్ స్టేషన్ వీరి పెళ్ళికి వేదిక కానుంది. ఆ పనుల్లోనే రాజమౌళి కుటుంబం బిజీగా ఉంది.