హిట్‌ సినిమాకు సీక్వెల్‌ రావడం ఇటీవల కాలంలో ఎక్కువైంది. వచ్చిన సినిమాలు కూడా అంతే స్థాయిలో విజయాలు అందుకుంటున్నాయి. అయితే దీనికి టాలీవుడ్‌ కాస్త దూరం అనే చెప్పాలి. మన దగ్గర సీక్వెల్స్ విజయం అందుకున్న సందర్భాలు తక్కువే. ఇది పక్కనపెడితే గతేడాది వచ్చి విజయం సాధించి, సీక్వెల్‌ ఉంటుందని తెలిపిన చిత్రం ‘ఖైదీ’. కార్తి నటించిన ఈ సినిమాను లోకేశ్‌ కనగరాజ్ రూపొందించారు. రిలీజ్‌ అయిన వెంటనే ఈ సినిమాకు కొనసాగింపు ఉంటుందని కూడా చెప్పారు. అయితే ఇప్పుడు ఆసక్తికరమైన విషయం బయటకు వచ్చింది.
హీరోయిన్, పాటలు లాంటి రెగ్యులర్ కమర్షియల్ అంశాలు వచ్చి విజయం సాధించింది ‘ఖైదీ’. లోకేష్ కనగరాజ్ తనదైన శైలి టేకింగ్‌తో ప్రేక్షకుల్ని మెప్పించాడు. కార్తి నటన గురించి ప్రత్యేకంగా చెప్పాల్సిన అవసరం లేదు. అంతేకాదు ఈ సినిమా ఆఖరెలో ‘ఖైదీ’ కొనసాగుతుందని అర్థం వచ్చేలా చూపించారు. అయితే ఆ తర్వాత ఆ సినిమా గురించి ఎక్కడా చర్చ లేదు. దీంతో సీక్వెల్‌ లేదు అని అనుకున్నారు అందరూ. అయితే అలాంటిదేం లేదు… కొనసాగింపు ఉంటుందని చెబుతున్నారు.
లోకేశ్‌ కనగరాజ్ ప్రస్తుతం కమల్‌ హాసన్‌తో ‘విక్రమ్‌’ చేస్తున్నారు. అదయ్యాక ఈ సినిమా ఉంటుందట. అయితే ఇది సీక్వెల్‌ కాదని, ప్రీక్వెల్ అనే మాటలు కూడా వినిపిస్తున్నాయి. ‘ఖైదీ’లో జైలు నుండి విడుదలైన ఢిల్లీ… పోలీసులను ఎలా కాపాడాడు అనేది కథ. మరి జైలుకు వెళ్లకముందు ఢిల్లీ జీవితం ఏమిటి? ఏం చేసి అతను జైలుకి వెళ్లాడు? అనేదే ప్రీక్వెల్ కథట. ఇంట్రెస్టింగ్‌ కదా.. చూద్దాం ఈసారి లోకేశ్‌ – కార్తి ఏం చేస్తారో?
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
