పవన్ కళ్యాణ్ ను డైరెక్ట్ చేసిన డైరెక్టర్స్, ఆయనతో సినిమాలు తీసిన ప్రొడ్యూసర్స్, ఆయనతో కలిసి నటించిన ఆర్టిస్ట్స్ ఎంత ఫేమస్ అయ్యారో.. అంతకు పదింతలు ఎక్కువ ఫేమస్ అయ్యాడు కత్తి మహేష్. అయితే.. ఈయన పవన్ కళ్యాణ్ తో కలిసి నటించలేదు, ఆయన సినిమాకి పని చేయలేదు. కేవలం ఆయన్ని, ఆయన అభిమానుల్ని తిట్టి, సెన్స్ లెస్ కామెంట్స్ చేసి మాత్రమే కత్తి మహేష్ ఫేమస్ అయ్యాడు. పవన్ కళ్యాణ్ తర్వాత ఓ స్వామీజీపై అనుచిత కామెంట్స్ చేసిన నగర బహిష్కరణ కూడా చవిచూశాడు కత్తి.
కానీ ఇదంతా గతం అంటున్నాడు కత్తి బాబు. సడన్ గా “ఐ లవ్ పవన్ కళ్యాణ్, ఐ రెస్పెక్ట్ హిమ్. పవన్ కళ్యాణ్ వ్యక్తిగా ఎలాంటివాడో నాకు తెలుసు, జనసేనలోకి కీలక సభ్యులతో నేను ఇప్పటికీ కాంటాక్ట్ లోనే ఉన్నాను” అని రూటు మార్చాడు కత్తి మహేష్. ఉన్నట్లుండి పవన్ కళ్యాణ్ మీద ఈ ప్రేమ, మర్యాద ఎందుకు పుట్టుకొచ్చాయో తెలియదు కానీ.. కత్తి కొత్త మాటలు విన్న, చూసిన పవన్ కళ్యాణ్ ఫ్యాన్స్ మాత్రం షాక్ కు గురవుతున్నారు. మరి ఇదంతా రాజకీయ ప్రయోజనాల కోసమా లేకపోతే కత్తి నిజంగానే పవన్ కళ్యాణ్ గురించి రియలైజ్ అయ్యడా అనేది తెలియాల్సి ఉంది.
