పాన్ ఇండియా స్టార్ ప్రభాస్ హీరోగా దర్శకుడు ప్రశాంత్ నీల్ ‘సలార్’ సినిమా చేస్తోన్న సంగతి తెలిసిందే. ఒక షెడ్యూల్ పూర్తి చేసుకున్న ఈ సినిమా రీసెంట్ గా కొత్త షెడ్యూల్ మొదలుపెట్టింది. శృతిహాసన్ హీరోయిన్ గా నటిస్తోన్న ఈ సినిమాలో బాలీవుడ్ బ్యూటీ వాణి కపూర్ కూడా కనిపించనుందని టాక్. ఇప్పుడు మరో స్టార్ హీరోయిన్ ను ఈ సినిమాలో ఆన్ బోర్డ్ చేయాలనుకుంటున్నారు. ఆమె మరెవరో కాదు.. కత్రినా కైఫ్.
బాలీవుడ్ లో స్టార్ హీరోయిన్ గా దూసుకుపోతున్న కత్రినాను ‘సలార్’లో తీసుకోవాలనుకుంటున్నారు. అయితే అది స్పెషల్ సాంగ్ కోసం మాత్రమే. స్టార్ హీరో సినిమా అంటే అందులో స్పెషల్ సాంగ్ ఉండి తీరాల్సిందే. అభిమానులు కూడా ఎక్స్పెక్ట్ చేస్తారు. ‘సలార్’లో కూడా ఐటెం సాంగ్ ను భారీగా ప్లాన్ చేస్తున్నారు ప్రశాంత్ నీల్. పైగా ఇది పాన్ ఇండియా సినిమా కావడంతో హిందీ హీరోయిన్ తో ప్రభాస్ స్టెప్పులేస్తే బాగుంటుందని దర్శకనిర్మాతలు భావిస్తున్నారు.
గతంలో కత్రినా కైఫ్ ‘అగ్నిపథ్’ సినిమాలో ‘చిక్నీ చమేలీ’ పాటకు ఏ రేంజ్ లో స్టెప్పులేసి అలరించిందో తెలిసిందే. ఇప్పటికీ ఆ పాట వినిపిస్తూనే ఉంటుంది. తనకు డాన్స్ రాదని కామెంట్స్ చేసిన వారికి ఈ ఒక్క పాటతో తన స్టామినా ఏంటో నిరూపించింది. నిజంగానే ‘సలార్’లో కత్రినాను తీసుకుంటే కచ్చితంగా సినిమాకి ప్లస్ అవుతుంది. మరి కత్రినా ఒప్పుకుంటుందో లేదో చూడాలి!
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
