బాహుబలిలో అమరేంద్ర బాహుబలి, మహేంద్ర బాహుబలి, భల్లాలదేవ, శివగామి, దేవ సేన పాత్రలకు ఎంత పేరు వచ్చిందో .. అంతే విధంగా కట్టప్ప కు పేరు వచ్చింది. కట్టప్ప బాహుబలిని ఎందుకు చంపాడని విషయం తెలుసుకోవాలని ప్రపంచవ్యాప్తంగా సినీ జనాలు బాహుబలి కంక్లూజన్ చిత్రం కోసం ఎదురుచూస్తున్నారు. అందుకే బాహుబలి 2 లో కట్టప్ప పాత్ర కీలకం కానుంది. అయితే ఈ కట్టప్పే బాహుబలి చిత్రానికి మైనస్ గా మారారు. ఎలాగంటే.. గతంలో తమిళనాడు, కర్ణాటక మధ్య కావేరి నీటి సరఫరా విషయంలో వివాదం చెలరేగితే కట్టప్ప పాత్ర పోషించిన సత్యరాజ్ కర్ణాటక ప్రజలకు వ్యతిరేకంగా కొన్ని కామెంట్లు చేశారు. వాటిని కన్నడ సంఘాల వారు సీరియస్ గా తీసుకున్నారు.
ఆ కోపాన్ని మనసులో పెట్టుకొని బాహుబలి 2 ని కర్ణాటకలో రిలీజ్ కాకుండా అడ్డుకోవాలని చూస్తున్నట్లు తెలిసింది. బెంగళూర్ లో సోమవారం ప్రవీణ్ కుమార్ శెట్టి ఆధ్వర్యంలో నిరసన కార్యక్రమాలు కూడా మొదలెట్టేసారు. ఏప్రిల్ 28 దగ్గర పడుతుండటంతో పోస్ట్ ప్రొడక్షన్ వర్క్ కంప్లీట్ చేసే పనిలో నిమగ్నమైన జక్కన్న బృందానికి ఈ సమస్య తలనొప్పిగా మారింది.
Also, do SUBSCRIBE to our YouTube channel to get latest Tollywood updates.
