కియారా ఫోటోలతో ఇల్లు మొత్తం నింపేశాడు!

సెలబ్రిటీలను అమితంగా ప్రేమించే అభిమానులు చాలా మంది ఉంటారు. ముఖ్యంగా హీరోయిన్లకు యూత్ లో క్రేజ్ మాములుగా ఉండదు. ఒక్కసారైనా తమ అభిమాన తారలను కలవాలని భావిస్తుంటారు. అయితే ఓ అభిమాని మాత్రం ఏకంగా స్టార్ హీరోయిన్ ని పెళ్లి చేసుకుంటానంటున్నాడు. అసలు విషయంలోకి వస్తే.. తాజాగా ‘కౌన్ బనేగా కరోడ్ పతి’ షోకి కంటెస్టెంట్ గా వచ్చిన వ్యక్తి కియారాని పెళ్లి చేసుకోవడమే తన డ్రీమ్ అని చెప్పాడు. హాట్ సీట్ లో కూర్చున్న సదరు కంటెస్టెంట్ కియారాకి వీరాభిమాని.

తన ఇల్లు మొత్తం కూడా కియారా ఫోటోలతో నింపేశాడు. ఈ షోకి కూడా తన పాకెట్ లో కియారా ఫోటోని పెట్టుకొని వచ్చాడు. ఇదే విషయాన్ని హోస్ట్ అమితాబ్ అతడిని అడగగా.. కియారా తన లక్కీ మస్కట్ అని చెప్పాడు. ఆమె ఫోటోని జేబులో పెట్టుకోవడం వలనే కేబీసీ 12 వరకు వచ్చానని.. యాభై లక్షలకు రీచ్ అయ్యానని చెప్పాడు. ఇక నీ డ్రీమ్ ఏంటని అతడిని ప్రశ్నించగా.. కియారాని పెళ్లి చేసుకోవడమే అంటూ సమాధానమిచ్చాడు.

బాలీవుడ్ కి చెందిన కియారా తెలుగులో కూడా కొన్ని చిత్రాల్లో నటించింది. మహేష్ బాబు, రామ్ చరణ్ లాంటి స్టార్ హీరోలతో కలిసి నటించింది. ప్రస్తుతం ఆమెకి హిందీలో అవకాశాలు పెరగడంతో తెలుగు సినిమాలు ఒప్పుకునే టైమ్ దొరకడం లేదు. ఇటీవల ఆమె నటించిన ‘లక్ష్మీ బాంబ్’ సినిమా ఓటీటీలో రిలీజయింది. ప్రస్తుతం ఆమె ‘ఇందూ కీ జవానీ’ అనే సినిమాలో నటిస్తోంది. త్వరలోనే ఈ సినిమా ప్రేక్షకుల ముందుకు రానుంది.

Most Recommended Video

ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
బ్రహ్మీ టు వెన్నెల కిషోర్.. టాలీవుడ్ టాప్ కమెడియన్స్ రెమ్యూనరేషన్స్ లిస్ట్..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!