సంవత్సరం కావస్తున్నా.. ‘కె.జి.యఫ్’ సంచలనాలు ఆగలేదుగా..!

సాధారణంగా మన తెలుగు ప్రేక్షకులు.. తెలుగు సినిమాలను పక్కన పెడితే హిందీ, తమిళ సినిమాలను ఎక్కువగా చూస్తుంటారు . అప్పుడప్పుడూ మలయాళం సినిమాలను కూడా ఓ లుక్కేస్తుంటారు. కానీ కన్నడ సినిమాలను పెద్దగా పట్టించుకోరు.. అనే ముద్ర ఎప్పటినుండో ఉంది. దీనిని ‘కె.జి.యఫ్’ చిత్రం చెరిపేసిందనే చెప్పాలి. 2018 డిసెంబర్ 21 న వచ్చిన ఈ చిత్రం అప్పుడు ఓ ఊపు ఊపేసింది. మాస్ సినిమాకి సరికొత్త డెఫినిషన్ చెప్పింది.

కనీసం హీరో యష్ మొహం కూడా ఎవ్వరికీ తెలీదు. ఈ చిత్రాన్ని ‘వారాహి చలన చిత్రం’ అధినేత సాయి కొర్రపాటి కొనుగోలు చేసి లాభాలు దక్కించుకున్నాడు. తెలుగులో ఈ చిత్రం బ్లాక్ బస్టర్ హిట్ గా నిలిచింది. హిందీ, కన్నడ, తమిళ్ మరియు మలయాళ భాషల్లో కూడా ‘కేజీఎఫ్’ చిత్రం సూపర్ హిట్ అయ్యింది.ఇక ఇప్పుడు మరో రికార్డ్ ను కూడా తన ఖాతాలో వేసుకుందట. 2019 సంవత్సరానికి గాను అమెజాన్ ప్రైమ్ లో విడుదలైన సినిమాలలో అన్ని భాషలలోను అత్యధిక వ్యూస్ ను నమోదుచేసిన చిత్రంగా ‘కె.జి.యఫ్’ నిలిచిందట. ఈ చిత్రం డిజిటల్ హక్కులను దక్కించుకున్న ‘అమెజాన్ ప్రైమ్’ వారికి లాభాలు తెచ్చిపెట్టిందట. ఇక ‘కె.జి.యఫ్’ చాప్టర్ 2 కోసం కూడా ప్రేక్షకులు ఎంతో ఆసక్తిగా ఎదురుచూస్తున్నారు.

అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!