తొమ్మిదేళ్ల తర్వాత మెగాస్టార్ చిరంజీవి సినిమా చేస్తున్న సందర్భంగా ఆయనకు ఘనంగా స్వాగతం పలికేందుకు మెగా ఫ్యామిలీ, అభిమానులు సిద్ధమయ్యారు. మాస్ దర్శకుడు వి.వి.వినాయక్ దర్శకత్వంలో రూపుదిద్దుకున్న‘ఖైదీ నెం150’ ప్రీ రిలీజ్ వేడుక గ్రాండ్ గా నిర్వహించేందుకు సిద్ధమయ్యారు. ఈ నెల 7 వ తేదీన మంగళగిరిలో హాయ్ ల్యాండ్ లో కార్యక్రమాన్ని పండగలా నిర్వహించాలని నిర్మాత రామ్ చరణ్ తేజ్ అన్ని ఏర్పాట్లు పూర్తి చేశారు. ఈ ఫంక్షన్లో హైలెట్ గా నిలవనున్న అంశాలివే..
01 . ప్రీ రిలీజ్ ఈవెంట్ కి మెగాస్టార్ కుటుంబానికి చెందిన హీరోలు రామ్ చరణ్, అల్లు అర్జున్, అల్లు శిరీష్, వరుణ్ తేజ్, సాయి ధరమ్ తేజ్ హాజరుకానున్నారు. పవర్ స్టార్ పవన్ కళ్యాణ్ ని రప్పించేందుకు చరణ్ ప్రయత్నిస్తున్నారు.
02 . మెగా కుటుంబ హీరోలతో పాటు స్టార్ హీరోలు, హీరోయిన్లు, డైరక్టర్లు, నిర్మాతలు అనేకమంది వేడుకకు వస్తున్నట్లు సమాచారం. చిరుతో ఇదివరకు కలిసి పనిచేసిన అనేక మంది ఈ జాబితాలో ఉన్నారు. ప్రత్యేకంగా చరణ్ వారందరినీ ఆహ్వానించినట్లు తెలిసింది.
03 . చిరంజీవి అభిమానులు దాదాపు ఒక లక్షమంది తరలి రానున్నట్లు అంచనా వేస్తున్నారు. వారి కోసమే హాయ్ ల్యాండ్ స్థలాన్ని ఈ ఈవెంట్ కి ఎంపిక చేశారు.
04 . రాక్ స్టార్ దేవీ శ్రీ ప్రసాద్ లైవ్ పెర్ ఫార్మెన్స్ ఉంటుంది. అమ్మడు లెట్స్ డు కుమ్ముడు పాటను ఎక్కువమంది డ్యాన్సర్లు తో స్టేజీపై దేవీ అదరగొట్టనున్నారు. అంతేకాదు ఈ పాటకు మెగా హీరోలందరూ స్టెప్పులు వేయనున్నారు.
05 . సాయంత్రం ఆరుగంటలకు మొదలుకానున్న ఈ ఫంక్షన్ కి రానా దగ్గుబాటి, నవదీప్, అనసూయ యాంకర్లుగా వ్యవహరించి జోష్ పెంచుకున్నారు. ఈ కారక్రమాన్ని మీరు మిస్ అవుతారని బాధపడనవసరం లేదు. ఈవెంట్ ప్రారంభం నుంచి చివరి వరకు మొత్తం “మా మూవీస్” ఛానల్ లో ప్రత్యక్ష ప్రసారం కానుంది.
Also, do SUBSCRIBE to our YouTube channel to get latest Tollywood updates.
