Kiara Advani: చరణ్ మూవీ సీక్రెట్స్ చెప్పేసిన కియారా?

October 16, 2021 / 12:22 PM ISTByFilmy Focus

Join Us

Kiara Advani: చరణ్ మూవీ సీక్రెట్స్ చెప్పేసిన కియారా?

శంకర్ దర్శకత్వంలో చరణ్ హీరోగా ఒక సినిమా తెరకెక్కుతుండగా ప్రముఖ నిర్మాత దిల్ రాజు ఈ సినిమాను భారీ బడ్జెట్ తో నిర్మిస్తున్నారు. ఈ సినిమాలో కియారా అద్వానీ హీరోయిన్ గా నటిస్తున్నారు. తాజాగా కియారా అద్వానీ ఒక ఇంటర్వ్యూలో మాట్లాడుతూ ఈ సినిమాకు సంబంధించిన సీక్రెట్స్ చెప్పుకొచ్చారు. వినయ విధేయ రామ మూవీ తర్వాత చరణ్, కియారా కలిసి నటిస్తున్న మూవీ ఇదే కావడం గమనార్హం. కియారా అద్వానీ ఈ సినిమా గురించి మాట్లాడుతూ ఈ సినిమా పొలిటికల్ థ్రిల్లర్ అని తెలిపారు.

సాలిడ్ కథతో ఈ సినిమా తెరకెక్కుతోందని శంకర్ మార్క్ మెసేజ్ కూడా ఈ సినిమాలో ఉంటుందని కియారా అద్వానీ పేర్కొన్నారు. సినిమాలోని మెసేజ్ సర్ప్రైజింగ్ ఎలిమెంట్ అని ఆ మెసేజ్ ఎవరూ ఊహించని విధంగా ఉంటుందని కియారా అద్వానీ చెప్పుకొచ్చారు. ప్రస్తుతం స్పెషల్ సాంగ్ షూటింగ్ జరుగుతోందని కియారా అన్నారు. భారీ సెట్ లో సాంగ్ షూటింగ్ జరుగుతోందని కియారా అద్వానీ చెప్పుకొచ్చారు. శంకర్ ఈ సినిమా విజువల్ వండర్ గా ఉండేలా జాగ్రత్తలు తీసుకుంటున్నారు.

స్టార్ మ్యూజిక్ డైరెక్టర్ థమన్ ఈ సినిమాకు సంగీతం అందిస్తున్నారు. కొన్ని రోజుల క్రితం చరణ్ శంకర్ దర్శకతంలో తెరకెక్కే సినిమాలో సీఎంగా కనిపిస్తారని వార్తలు వచ్చాయి. కియారా అద్వానీ మాటలను బట్టి ఆ వార్తలు నిజమేనని అర్థమవుతోంది. ఈ సినిమాలో చరణ్ పోలీస్ ఆఫీసర్ గా, సీఎంగా కనిపిస్తారని తెలుస్తోంది.