NTR 30: హీరోయిన్ కు భారీ రెమ్యునరేషన్!

June 20, 2021 / 06:55 PM ISTByFilmy Focus

Join Us

జూనియర్ ఎన్టీఆర్ RRR అనంతరం తన 30వ సినిమాను కొరటాల శివ దర్శకత్వంలో చేయబోతున్న విషయం తెలిసిందే. పాన్ ఇండియా కాన్సెప్ట్ తో రాబోతున్న ఈ హిట్ కాంబినేషన్ పై అంచనాలు అయితే గట్టిగానే ఉన్నాయి. తప్పకుండా బాక్సాఫీస్ వద్ద సాలీడ్ హిట్ అందుకుంటారని చెప్పవచ్చు. ఎన్టీఆర్ ఎంతో నమ్మకంతో ఏరికోరి మరి కొరటలను సెలెక్ట్ చేసుకున్నాడు. అసలైతే 30వ సినిమాను త్రివిక్రమ్ దర్శకత్వంలో చేయాల్సింది. అయితే RRR తరువాత చేయబోయే సినిమా కూడా పాన్ ఇండియా రేంజ్ లోనే ఉండాలని ఎన్టీఆర్ ఆ ప్రాజెక్ట్ ను క్యాన్సిల్ చేసుకున్న విషయం తెలిసిందే.

ఇక కొరటాల శివకు కూడా మొదటి పాన్ ఇండియా సినిమా కావడం వలన ఈసారి మేకింగ్ ప్లానింగ్ కూడా మార్చబోతున్నాడు. హీరోయిన్ విషయంలో కూడా ఇటీవల చర్చలు జరపగా కొంతమంది బాలీవుడ్ భామల పేర్లను అనుకున్నారట. అందులో కీయరా అద్వానీ అయితే బెస్ట్ అని కొరటాల శివ ఎన్టీఆర్ ను ఒప్పించినట్లు సమాచారం. ఆమె ఇదివరకే భరత్ అనే నేను, వినయ విధేయ రామ సినిమాలతో తెలుగులో కాస్త బాగానే క్రేజ్ అందుకుంది.

అలాగే బాలీవుడ్ లో కూడా వరుసగా హిట్స్ అందుకుంటోంది. రెమ్యునరేషన్ కూడా పెరగడంతో ఎన్టీఆర్ 30వ సినిమా కోసం 3 కోట్ల వరకు ఆఫర్ చేసినట్లు సమాచారం. అలాగే కథ నచ్చడంతో కీయరా పెద్దగా ఆలోచించకుండా వెంటనే ఒప్పేసుకున్నట్లు తెలుస్తోంది. ఆచార్య అనంతరం కొరటాల ఈ సినిమాను సెట్స్ పైకి తీసుకురానున్నారు.