Kiara Advani: కియారా అద్వానీ.. మరో లక్కీ ఛాన్స్?

October 1, 2021 / 01:27 PM ISTByFilmy Focus

Join Us

Kiara Advani: కియారా అద్వానీ.. మరో లక్కీ ఛాన్స్?

భరత్ అనే నేను సినిమా ద్వారా తెలుగు తెరకు పరిచయమైన బాలీవుడ్ బ్యూటీ కియారా అద్వానీ ఆ తరువాత రామ్ చరణ్ వినయ విధేయ రామ సినిమాలో కనిపించిన విషయం తెలిసిందే. ఒక సినిమా హిట్టవ్వగా మరొక సినిమా డిజాస్టర్ అయ్యింది. అయితే సినిమాలో ఫలితాలు ఎలా ఉన్నా కూడా ఈ బ్యూటీకి సౌత్ ఇండస్ట్రీ నుంచి అయితే ఆఫర్స్ బాగానే వస్తున్నాయి. ఒకవైపు బాలీవుడ్ ఇండస్ట్రీలో బిజీగా ఉన్నప్పటికీ సౌత్ నుంచి ఆఫర్స్ వస్తే వర్క్ చేయడానికి గ్రీన్ సిగ్నల్ ఇస్తోంది.

ఇక ప్రస్తుతం ఈ బ్యూటీ రామ్ చరణ్ శంకర్ శంకర్ కాంబినేషన్ లో తెరకెక్కుతున్న పాన్ ఇండియా సినిమాలో మెయిన్ హీరోయిన్ గా నటిస్తున్న విషయం తెలిసిందే. ఇక రీసెంట్ గా మరొక ఆఫర్ కూడా వచ్చినట్లు తెలుస్తోంది. కోలీవుడ్ స్టార్ హీరో విజయ్ 66వ సినిమాను తెలుగు తమిళంలో ఒకేసారి నిర్మించనున్నారు. దిల్ రాజు నిర్మాతగా వంశీ పైడిపల్లి దర్శకత్వంలో తెరకెక్కనున్న ఈ సినిమా కోసం కొంతమంది హీరోయిన్స్ పేర్లు చర్చల దశలో ఉన్నాయి.

ఆ లిస్టులో కియారా అద్వానీ పేరు ఎక్కువగా వినిపిస్తోంది. దర్శకుడు వంశీ పైడిపల్లి దిల్ రాజు కూడా అమెపైనే ఫోకస్ పెట్టినట్లు సమాచారం. కియారా అద్వానీ ఇప్పటివరకు కథ వినలేదట. త్వరలోనే దిల్ రాజు వంశీ పైడిపల్లి ఆమెను సంప్రదించినట్లు తెలుస్తోంది ఒకవేళ ఈ ఆఫర్ వస్తే గనక కియారా అద్వానీ రేంజ్ మరో లెవెల్ కి వెళ్లినట్లే..!