Kick Collections: 15 ఏళ్ళ రవితేజ ‘కిక్’ టోటల్ బాక్సాఫీస్ కలెక్షన్స్ ఇవే..!

రవితేజ (Ravi Teja) ,ఇలియానా (Ileana D’Cruz) జంటగా ‘ఖతర్నాక్’ (Khatarnak) తర్వాత వచ్చిన చిత్రం ‘కిక్’ (Kick). స్టార్ డైరెక్టర్ సురేందర్ రెడ్డి (Surender Reddy) తెరకెక్కించిన ఈ చిత్రాన్ని ‘ఆర్.ఆర్’ మూవీ మేకర్స్ పై ఆర్.ఆర్.వెంకట్ (R. R. Venkat) నిర్మించారు. ‘నేనింతే’ (Neninthe) వంటి ప్లాప్ తర్వాత రవితేజ.. ‘అతిథి’ (Athidhi) వంటి ప్లాప్ తర్వాత సురేందర్ రెడ్డి.. కలిసి చేసిన మూవీ ఇది. దీంతో మొదట్లో ఈ సినిమా పై అంచనాలు లేవు. కానీ 2009 సమ్మర్ కానుకగా మే 8న రిలీజ్ అయిన ఈ సినిమా మొదటి షోతోనే సూపర్ హిట్ టాక్ ను సొంతం చేసుకుంది.

సమ్మర్ సీజన్ ని ఫుల్ గా వాడుకుని బాక్సాఫీస్ వద్ద బ్లాక్ బస్టర్ బస్టర్ గా నిలిచింది. ఒకసారి ఈ సినిమా క్లోజింగ్ కలెక్షన్స్ ని గమనిస్తే :

‘కిక్’ చిత్రం రూ.13.77 కోట్ల బ్రేక్ ఈవెన్ టార్గెట్ తో బరిలోకి దిగింది. ఆ టైంలో రవితేజకి అంత మార్కెట్ కూడా లేదు. కానీ బాక్సాఫీస్ వద్ద ఈ సినిమా ఫుల్ రన్ ముగిసే సరికి రూ.22.75 కోట్ల షేర్ ను రాబట్టి ట్రేడ్ కి సైతం షాకిచ్చింది. బయ్యర్లకు 8.95 కోట్ల లాభాలు అందించడమే కాకుండా.. 2009 కి గాను ‘మగథీర’ (Magadheera) , ‘అరుంధతి’ (Arundhati).. ల తర్వాత హైయెస్ట్ గ్రాసర్ గా నిలిచింది.