యంగ్ హీరో కిరణ్ అబ్బవరం ఇంట విషాదం..!

December 1, 2021 / 01:56 PM ISTByFilmy Focus

Join Us

టాలీవుడ్ ప్రముఖులు వరుసగా మరణిస్తుండడంతో అందరిలోనూ ఆందోళన నెలకొంది.సరిగ్గా వారం తిరక్కుండానే ఇద్దరు లెజెండ్స్ మరణించారు. కొరియోగ్రాఫర్ శివ శంకర్ మాస్టర్ కరోనాతో మరణించగా..ప్రముఖ లిరిసిస్ట్ పద్మ శ్రీ సిరివెన్నెల సీతారామశాస్త్రి గారు లంగ్ క్యాన్సర్‌తో మరణించారు.వీరి మరణాలు టాలీవుడ్ ను విషాదంలోకి నెట్టేశాయి. ఇదిలా ఉండగా… తాజాగా మరో యువ హీరో ఇంట కూడా విషాదం చోటుచేసుకోవడం సర్వత్రా చర్చనీయాంశం అయ్యింది. ‘రాజావారు రాణివారు’ ‘ఎస్.ఆర్.కళ్యాణమండపం’ చిత్రాల హీరో అయిన కిరణ్ అబ్బవరం సోదరుడు మరణించాడు.

బుధవారం నాడు కడప జిల్లా చెన్నూరు వద్ద జరిగిన రోడ్డు ప్రమాదంలో రామాంజులు రెడ్డి మృతి చెందినట్లు సమాచారం.రామాంజులు రెడ్డి… కిరణ్ సొంత తమ్ముడు. దీంతో హీరో అబ్బవరం కిరణ్ మరియు అతని కుటుంబ సభ్యులు శోకసంద్రంలో మునిగిపోయారు. రామాంజులు రెడ్డి వయసు కేవలం 26 సంవత్సరాలే. ఇంత చిన్న వయసులోనే అతను మరణించడం విషాదకరమని.. అలాగే అతని ఆత్మకి శాంతి కలగాలని కోరుకుంటున్నట్టు కొందరు టాలీవుడ్ ప్రముఖులు తెలిపారు.

ఇప్పుడిప్పుడే హీరోగా నిలదొక్కుకుంటున్న కిరణ్‌కు.. అతని సోదరుడి మరణం పెద్ద దెబ్బ అనే చెప్పాలి. ఈ మధ్యనే అతను మైత్రి వంటి బడా సంస్థలో సినిమా చేయబోతున్నట్టు కూడా ప్రకటన వచ్చింది.మంచి అవకాశం వచ్చింది కదా అని సంతోషించేలోపే ఇంత ఘోరమైన సంఘటన చోటు చేసుకుంది.