కిరణ్ అబ్బవరం.. ‘రాజావారు రాణిగారు’ అనే సినిమాతో ఒక్కసారిగా టాలీవుడ్ కి రాకెట్..లా దూసుకొచ్చాడు. ఆ తర్వాత ‘ఎస్.ఆర్.కళ్యాణమండపం’ తో మంచి కమర్షియల్ హిట్ అందుకున్నాడు. ఆ తర్వాత ఇతనికి వరుస ఆఫర్లు వచ్చాయి. ఈ క్రమంలో మంచి కథలు ఎంపిక చేసుకోవడంలో విఫలమయ్యాడు అనే చెప్పాలి. ‘సమ్మతమే’ ‘వినరో భాగ్యము విష్ణుకథ’ వంటి సినిమాలు పర్వాలేదు అనిపించినా.. ‘నేను మీకు బాగా కావలసిన వాడిని’ ‘మీటర్’ ‘రూల్స్ రంజన్’ వంటి సినిమాలు డిజాస్టర్లుగా మిగిలాయి.
దీంతో ఆలోచనలో పడ్డాడు కిరణ్ అబ్బవరం. వరుస సినిమాలు చేయాలని అతను అనుకోవడం లేదు. కొత్త ఏడాది అలోచించి అడుగులు వేయాలని అనుకుంటున్నాడు. గతేడాది వరకు అతను పెద్ద బడ్జెట్లో సినిమాలు చేస్తే అతని రేంజ్ పెరుగుతుంది అని అనుకున్నాడు. చాలా సందర్భాల్లో ఈ విషయం పై నేరుగానే క్లారిటీ ఇచ్చాడు. అయితే ఇప్పుడు ఆ ఆలోచన పూర్తిగా మార్చుకున్నాడు. స్వయంగా (Kiran Abbavaram) కిరణ్ అబ్బవరం టీం ఈ విషయం పై క్లారిటీ ఇచ్చింది.
తన థియేట్రికల్ మార్కెట్ ను, ఓటీటీ మార్కెట్ ను దృష్టిలో పెట్టుకుని సినిమాలు చేస్తానని మేకర్స్ కి చెబుతున్నాడట. పారితోషికం విషయంలో కూడా పెద్దగా మేకర్స్ ని ఇబ్బంది పెట్టడం లేదట. ప్రస్తుతం కిరణ్ అబ్బవరం ‘దిల్ రుబా’ అనే సినిమా చేస్తున్నాడు. సరేగమా, శివమ్స్ సెల్యులాయిడ్స్ కలిసి నిర్మిస్తున్న ఈ సినిమాలో రుక్సర్ థిల్లాన్ హీరోయిన్ గా ఎంపికైంది. నూతన దర్శకుడు ఈ ప్రాజెక్టుని తెరకెక్కిస్తున్నాడు.
యాత్ర 2 సినిమా రివ్యూ & రేటింగ్!
ఈగల్ సినిమా రివ్యూ & రేటింగ్!
లాల్ సలామ్ సినిమా రివ్యూ & రేటింగ్!
