స్టార్ హీరో ప్రభాస్ (Prabhas) స్టార్ డైరెక్టర్ సందీప్ రెడ్డి వంగా (Sandeep Reddy Vanga) కాంబినేషన్ లో తెరకెక్కుతున్న స్పిరిట్ (Spirit) సినిమాపై భారీ స్థాయిలో అంచనాలు నెలకొన్నాయి. అటు ప్రభాస్ ఇటు సందీప్ రెడ్డి వంగా సక్సెస్ లో ఉండటంతో ఈ సినిమాపై అంచనాలు అంతకంతకూ పెరుగుతున్నాయి. ఈ ఏడాది చివర్లో స్పిరిట్ మూవీ షూటింగ్ మొదలుకానున్న సంగతి తెలిసిందే. ఈ సినిమాకు సంబంధించి షాకింగ్ విషయాలు వైరల్ అవుతున్నాయి. అయితే స్పిరిట్ సినిమాకు సంబంధించి ఒక విషయం ప్రస్తుతం సోషల్ మీడియా వేదికగా హాట్ టాపిక్ అవుతోంది.
దక్షిణ కొరియన్ స్టార్ నటుడు మా డాంగ్ సియోక్ ఈ సినిమాలో నటిస్తున్నారని వార్తలు జోరుగా ప్రచారంలోకి వస్తున్నాయి. వైరల్ అవుతున్న వార్తలు నిజమైతే ప్రభాస్ ఫ్యాన్స్ కు ఈ వార్త నిజంగా పండగ లాంటి వార్త అని చెప్పవచ్చు. ప్రభాస్ అభిమానులు ప్రభాస్ తర్వాత సినిమాలపై చాలా ఆశలు పెట్టుకున్నారు. ప్రభాస్ పారితోషికం కూడా అంతకంతకూ పెరుగుతుండగా క్రేజ్ పరంగా ప్రభాస్ టాప్ లో ఉన్నారు.
అయితే యూనిట్ వర్గాలు మాత్రం ఈ వార్తను ధృవీకరించడం లేదు. సందీప్ రెడ్డి వంగా రాబోయే రోజుల్లో ఈ వార్త గురించి స్పష్టత ఇచ్చే అవకాశం ఉంది. ఇండస్ట్రీ వర్గాల్లో మాత్రం వైరల్ అవుతున్న వార్తలో ఎలాంటి నిజం లేదని ఎవరో కావాలని ఈ తరహా ప్రచారం చేస్తున్నారని చెబుతున్నారు. అయితే సినిమా ఇండస్ట్రీలో చాలా సందర్బాల్లో రూమర్స్ నిజమైన సందర్భాలు ఎక్కువగా ఉన్నాయి.
ఈ సినిమాకు సంబంధించి కూడా అదే విధంగా జరుగుతుందేమో చూడాల్సి ఉంది. ప్రభాస్ స్పిరిట్ సినిమాకు సంబంధించి త్వరలో క్రేజీ అప్ డేట్స్ వచ్చే అవకాశాలు అయితే ఉన్నాయి. స్పిరిట్ సినిమా బాక్సాఫీస్ ను షేక్ చేయడం ఖాయమని కామెంట్లు వినిపిస్తున్నాయి.
Home