మాస్ మహారాజ్ రవితేజ హీరోగా గోపీచంద్ మలినేని డైరెక్షన్లో తెరకెక్కిన తాజా చిత్రం ‘క్రాక్’. ‘సరస్వతి ఫిలింస్ డివిజన్’ బ్యానర్‌పై బి.మధు నిర్మించిన ఈ చిత్రంలో శృతి హాసన్ హీరోయిన్‌గా నటించింది. స‌ముద్రఖని, వ‌ర‌ల‌క్ష్మీ శ‌ర‌త్‌కుమార్ వంటి స్టార్లు కూడా ఈ చిత్రంలో కీలక పాత్రలు పోషించారు. రవితేజ పవర్‌ఫుల్ పోలీస్ ఆఫీసర్‌ పోతరాజు శంకర్‌ పాత్రలో కనిపించబోతున్న ఈ చిత్రం ట్రైలర్ కు అద్భుతమైన రెస్పాన్స్ వచ్చింది.దాంతో జనవరి 9న విడుదల కాబోతున్న ఈ చిత్రం పై అంచనాలు కూడా తారా స్థాయికి చేరుకున్నాయి. ఈ మధ్యనే థియేటర్లు తెరుచుకోవడం… కరోనాకి భయపడకుండా జనాలు కూడా వస్తుండడంతో.. బాక్సాఫీస్ దగ్గర భారీ ఓపెనింగ్స్ నమోదవ్వడం ఖాయంగా కనిపిస్తుంది.
ఇక ఈ చిత్రానికి తెలుగు రాష్ట్రాల్లో థియేట్రికల్ బిజినెస్ కూడా బాగానే జరిగింది. ఆ వివరాలను ఒకసారి పరిశీలిస్తే..
| నైజాం | 5.2 cr |
| ఆంధ్ర | 6.2 cr |
| సీడెడ్ | 2.8 cr |
| ఏపీ +తెలంగాణ | 14.2 cr |
‘క్రాక్’ చిత్రానికి 14.2 కోట్ల ప్రీ రిలీజ్ బిజినెస్ జరిగింది. ఈ చిత్రం బ్రేక్ ఈవెన్ కావాలి అంటే 15కోట్ల వరకూ షేర్ ను రాబట్టాల్సి ఉంది. ప్రభుత్వం థియేటర్లలో 100 శాతం ఆకుపెన్సీకి అనుమతులు ఇస్తే కనుక.. ‘క్రాక్’ 3రోజుల్లో బ్రేక్ ఈవెన్ అయ్యే అవకాశాలు పుష్కలంగా ఉన్నాయి. ఆ రకంగా చూసుకుంటే వరుస ప్లాపుల్లో ఉన్న రవితేజ ఈ సారి పక్కాగా హిట్టు కొట్టినట్టే అని చెప్పాలి.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
Home