Krish, Vaishnav Tej: వైష్ణవ్‌ – క్రిష్‌ సినిమా థియేటర్లలోకి రాదా?

మెగా కుటుంబం నుండి వచ్చిన హీరో అతను… తొలి సినిమా విడుదల అవుతుంది అనగా ‘ఓటీటీకి ఇచ్చేస్తున్నారు’ అంటూ ఓ టాక్‌ మొదలైంది. అయితే నిర్మాతలు ఆ ఆలోచన చేయకుండా థియేటర్‌లో విడుదల చేసి భారీ హిట్‌ కొట్టారు. ఆ హీరోనే వైష్ణవ్‌ తేజ్‌. ఆ సినిమానే ‘ఉప్పెన’. అయితే అప్పుడు మిస్‌ అవ్వాలని కోరుకున్న ‘ఓటీటీ’ రెండో సినిమాతో జరగబోతోందా? ఏమో టాలీవుడ్‌లో గుసగుసలు వింటుంటే అలానే అనిపిస్తోంది.

‘కొండపొలం’ అనే నవల ఆధారంగా వైష్ణవ్‌తేజ్‌ – రకుల్‌ ప్రీత్‌ సింగ్‌ జంటగా క్రిష్‌ ఓ సినిమా రూపొందించారు. కరోనా సెకండ్‌ వేవ్‌ కంటే ముందే ఈ సినిమా పూర్తయింది. అయితే ఈలోగా క్రిష్‌ ‘హరి హర వీరమల్లు’ సినిమా పనుల్లో బిజీ అయిపోయి వైష్ణవ్‌ సినిమా పక్కనపెట్టారు. ఆ తర్వాత పవన్‌ సినిమాకు గ్యాప్‌ వచ్చినా ‘కొండపొలం’ పని మొదలు పెట్టినట్లు ఎక్కడా వార్తలు లేవు. దీంతో ఆ సినిమా ఆగిపోయిందా అనే అనుమానాలు వచ్చాయి.

అయితే ఇప్పుడు ఆ సినిమాను నేరుగా ఓటీటీకి ఇచ్చే చర్చలు జరుగుతున్నాయని వార్తలొస్తున్నాయి. సినిమా ఔట్‌పుట్‌ పట్ల అంతగా కాన్ఫిడెంట్‌గా లేకనో, ఇంకేదో కారణమో కానీ… నిర్మాతల చూపు ఓటీటీవైపు పడిందని టాక్‌. మరి దీనికి మెగా కాంపౌండ్‌ ఏమంటుందో చూడాలి. హీరోగా చేసిన రెండో సినిమా ఓటీటీకి ఇస్తే ఇబ్బంది లేదు కానీ, ప్రేక్షకుల అందరికీ ఆ సినిమా చేరువకాదు అనే ఫీల్‌ మాత్రం ఉండిపోతుందిగా.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!