‘ఉప్పెన’ అనే ఒకే ఒక్క సినిమాలో నటించింది కృతిశెట్టి. ఆ ఒక్క చిత్రంతో తెలుగు, తమిళ ప్రేక్షకులను తన అందం,నటనతో కట్టి పడేసింది. ఆ సినిమాకి ఈమె తీసుకున్న పారితోషికం రూ.6 లక్షలు మాత్రమే. కానీ ఇప్పుడు ఆమె సంపాదన కోట్లల్లో ఉంది. తెలుగుతో పాటు తమిళంలో కూడా ఈమెకు వరుస అవకాశాలు వస్తున్నాయి. అలా అని ఈమె కంగారు పడి అన్నిటినీ ఓకే చేసెయ్యడం లేదు. ఆచి తూచి మంచి సినిమాలను ఎంపిక చేసుకుంటుంది.
ప్రస్తుతం ఈమె ‘ఆ అమ్మాయి గురించి మీకు చెప్పాలి’, శ్యామ్ సింగ రాయ్, రామ్- లింగు స్వామి కాంబినేషన్లో తెరకెక్కుతున్న ప్రాజెక్టులో కూడా హీరోయిన్ గా నటిస్తుంది కృతి శెట్టి. ఇదిలా ఉండగా.. త్వరలోనే ఈమె బుల్లితెర పై సందడి కూడా చేయబోతుందట. అందుకోసం ‘జీ తెలుగు’ వారు ఈమెకి రూ.1కోటి..వరకు పారితోషికం ఇచ్చారు అనేది తాజా సమాచారం. బుల్లితెర పై అంత పారితోషికం ఎవరికైనా ఇస్తారా? అనే అనుమానం ఎవరికైనా రావొచ్చు.
అయితే కృతి శెట్టిని సీరియల్స్ వంటి వాటి కోసం కాదు ‘జీ’ వారు సంప్రదించింది. వాళ్ళు నిర్వహించే ఏ షోకి అయినా కృతి శెట్టి గెస్ట్ గా వెళ్ళాలి. అలాగే వాళ్ళ సీరియల్స్ వంటి వాటిని కూడా ప్రమోట్ చేయాలి. గతంలో మహేష్ బాబు కూడా ఇదే విధంగా జీ తెలుగు వారి సీరియల్స్ ను ప్రమోట్ చేసాడు. తర్వాత రమ్యకృష్ణ కూడా పలు సీరియల్స్ ను ప్రమోట్ చేసింది. ఇప్పుడు కృతి శెట్టి వంతు వచ్చినట్టు స్పష్టమవుతుంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
