సాధారణంగా సినిమా ఇండస్ట్రీలోకి అడుగు పెట్టినటువంటి సెలెబ్రెటీలు ఇండస్ట్రీలో ఎంతో మంచి సక్సెస్ అందుకుని అనంతరం నిర్మాణరంగంలోకి అడుగుపెడుతున్న విషయం మనకు తెలిసిందే. ఇప్పటికే ఎంతో మంది సెలబ్రిటీలు ఇండస్ట్రీలో హీరో హీరోయిన్లుగా కొనసాగుతూనే మరోవైపు నిర్మాతలుగా కూడా వ్యవహరిస్తున్నారు. ఈ క్రమంలోనే బాలీవుడ్ ఇండస్ట్రీలో నటిగా ఎంతో పేరు ప్రఖ్యాతలు సంపాదించుకున్న కృతి సనన్ సైతం నిర్మాణ రంగంలోకి అడుగు పెట్టారు. ఈమె ఇండస్ట్రీలోకి అడుగుపెట్టి తొమ్మిది సంవత్సరాలు పూర్తి చేసుకున్న నేపథ్యంలో తాను నిర్మాణ రంగంలోకి అడుగుపెడుతూ మరికొంత నేర్చుకోవాలని భావిస్తున్నానని ఈమె తెలియజేశారు.
మహేష్ బాబు హీరోగా నటించిన నెంబర్ వన్ నేనొక్కడినే సినిమా ద్వారా తెలుగు ప్రేక్షకులకు పరిచయమైనటువంటి ఈమె మొదటి సినిమాతోనే డిజాస్టర్ అందుకున్నారు. అనంతరం మరో రెండు సినిమాలలో నటించిన ఈమె ఆ సినిమాల ద్వారా కూడా పెద్దగా సక్సెస్ కాకపోవడంతో బాలీవుడ్ ఇండస్ట్రీకి వెళ్లిపోయారు. అక్కడ మాత్రం ఎంతో మంచి సక్సెస్ అందుకున్నటువంటి ఈమె చాలా సంవత్సరాలు తర్వాత ప్రభాస్ హీరోగా నటించిన ఆది పురుష్ సినిమాలో సీత పాత్రలో నటిస్తూ తెలుగు ప్రేక్షకుల ముందుకు వచ్చారు.
ఇకపోతే ఈమె (Kriti Sanon) సోషల్ మీడియా వేదికగా తన ఫిలిం ప్రొడక్షన్ ను ప్రకటించారు. అయితే ఈమె బాలీవుడ్ దివంగత నటుడు సుశాంత్ సింగ్ రాజ్ పుత్ ను గుర్తు చేస్తూ తన ప్రొడక్షన్ హౌస్ అనౌన్స్ చేయడంతో అభిమానులు మరోసారి సుశాంత్ ను గుర్తు చేసుకుంటున్నారు. కృతి సనన్ ఫిలిం ప్రొడక్షన్ హౌస్ కు సుశాంత్ సింగ్ రాజ్ పుత్ కి సంబంధం ఏంటి అనే విషయానికి వస్తే… ఈమె తన ప్రొడక్షన్ హౌస్ ను బ్లూ బటర్ ఫ్లై ఫిలిం ప్రొడక్షన్ పేరుతో ప్రకటించారు.
అయితే సుశాంత్ సోషల్ మీడియా వేదికగా ఎలాంటి పోస్టులు చేసిన ఆయన ఎప్పుడు బ్లూ బటర్ ఫ్లై ఎమోజీలను ఉపయోగించేవారు. దీంతో ఈమె కూడా అదే పేరిట తన ప్రొడక్షన్ హౌస్ ప్రకటించడంతో సుశాంత్ అభిమానులు మరోసారి ఆయనను గుర్తు చేసుకున్నారు. అలాగే ఈమె ప్రొడక్షన్ హౌస్ ప్రారంభించడంతో శుభాకాంక్షలు తెలియజేస్తున్నారు.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
Home
