Mahesh Babu: మహేష్‌ హీరోయిన్‌ సినిమా ఇలా అయ్యిందేంటి!

July 27, 2021 / 12:22 PM ISTByFilmy Focus

Join Us

Mahesh Babu: మహేష్‌ హీరోయిన్‌ సినిమా ఇలా అయ్యిందేంటి!

బాలీవుడ్‌లో ఇటీవల కాలంలో చిన్న సినిమాగా రూపొంది… ట్రైలర్‌తో హైప్‌ తెచ్చుకున్న చిత్రం ‘మిమి’. కృతి సనన్‌ ప్రధాన పాత్రలో రూపొందిన ఈ సినిమాను ఈ నెల 30న నెట్‌ఫ్లిక్స్‌ వేదికగా విడుదల చేయాలని నిర్ణయించారు. ఈ క్రమంలో చిత్రబృందం సినిమా ప్రచారం పనిలో ఉంది. అయితే సినిమాను హఠాత్తుగా సోమవారం సాయంత్రం విడుదల చేసేశారు. ఏమైందా అని ఆరా తీస్తే అసలు విషయం బయటికొచ్చింది. ‘మిమి’ సరోగసీ నేపథ్యంలో రూపొందిన సినిమా అని ట్రైలర్‌ చూస్తే అర్థమైపోతుంది.

అయితే సినిమా అసలు ట్విస్ట్‌ ఆ సరోగసీ బిడ్డకు తనకు వద్దని అసలు వ్యక్తి చెప్పినప్పుడు మొదలవుతుంది. ఆ తర్వాత ఏమైంది అనేది కామెడీగా, ఎమోషనల్‌గా చూపించారు. దీంతోపా సినిమా మీద హైప్‌ పెరుగుతూ వచ్చింది. అయితే అదే క్రమంలో సినిమాను కొంతమంది దుండగులు ఆన్‌లైన్‌లో లీక్‌ చేసేశారు. ఏకంగా హెచ్‌డీ వెర్ష‌న్ ఆన్ లైన్‌లోకి వ‌చ్చేసింది. లీక్ అయిన సినిమాను ఆపడం కష్టం అని భావించిన ‘మిమి’ బృందం… సినిమాను నెట్‌ఫ్లిక్స్‌లో విడుదల చేయించేసింది.

పైర‌సీ వెర్ష‌న్‌ను ఆన్‌లైన్‌ నుండి తీయించేందుకు చిత్ర బృందం ప్రయత్నిస్తున్నా… ఇప్ప‌టికే చాలామంది షేర్ చేసేసి ఉండటంతో లాభం లేదని రిలీజ్‌ నిర్ణయం తీసుకున్నారట. ఈ విష‌య‌మై చిత్రబృందం ఇప్ప‌టికే పోలీసుల‌ను ఆశ్ర‌యించిన‌ట్లు స‌మాచారం.