మాజీ స్టార్ హీరోయిన్ కుష్బూ ఇప్పటికీ సహాయ నటి పాత్రల్లో నటిస్తూ బిజీగా గడుపుతోంది.ఓ పక్క రాజకీయాల్లో కూడా కొనసాగుతున్న ఈ ముంబై బ్యూటీ తెలుగు, తమిళ భాషల్లో స్టార్ హీరోయిన్ గా ఓ వెలుగు వెలిగిన సంగతి అందరికీ తెలిసిందే. ఒకానొక సమయంలో ఈమెకు గుడి కట్టారు అంటే ఈమె అప్పటి కుర్రకారుని తన గ్లామర్ తో ఏ స్థాయిలో అలరించి కలల రాకుమారిగా కొనసాగిందో అర్థం చేసుకోవచ్చు.
1986 లో కె.రాఘవేంద్ర రావు గారు వెంకటేష్ ను హీరోగా పరిచయం చేస్తూ డైరెక్ట్ చేసిన ‘కలియుగ పాండవులు’ చిత్రంతో ఈమె తెలుగు ప్రేక్షకులకు పరిచయమైన సంగతి తెలిసిందే. అటు తర్వాత ‘కెప్టెన్ నాగార్జున’ ‘త్రిమూర్తులు’ ‘భారతంలో అర్జునుడు’ ‘కిరాయి దాదా’ ‘మారణ హోమం’ ‘చిన్నోడు పెద్దోడు’ ‘శాంతి క్రాంతి’ ‘పేకాట పాపారావు’ ‘స్టాలిన్’ ‘యమదొంగ’ ‘కథానాయకుడు’ ‘అజ్ఞాతవాసి’ ‘ఆడవాళ్ళు మీకు జోహార్లు’ వంటి చిత్రాల్లో ఈమె నటించింది మెప్పించింది.
ఇదిలా ఉండగా.. క్యారెక్టర్ ఆర్టిస్ట్ గా మారిన తర్వాత కుష్బూ ముద్దుగా బొద్దుగా మారిన సంగతి తెలిసిందే. అయితే ఇప్పుడు బరువు తగ్గి సన్నగా మారిపోయి అందరికీ షాకిచ్చింది. ఒకటి కాదు రెండు కాదు ఏకంగా ఈమె 18 కిలోల బరువు తగ్గిందట. నిజం చెప్పాలి అంటే హీరోయిన్ గా చేసినప్పటి కంటే ఇప్పుడు ఈమె మరింత యంగ్ గా కనిపిస్తుంది. 51 ఏళ్ళలో ఈమె ఇంత గ్లామర్ గా కనిపిస్తూ ఉండడంతో అంతా ఆశ్చర్యపోయి ‘సీనియర్ స్టార్ హీరోలకు ఇప్పటికీ జోడీగా చేస్తే బాగుంటుంది మేడం’ అంటూ కామెంట్లు పెడుతున్నారు.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
