విజయ్ దేవరకొండ హీరోగా సమంత హీరోయిన్ గా ‘ఖుషి’ అనే సినిమా రూపొందుతున్న సంగతి తెలిసిందే. నిన్నుకోరి , మజిలీ , టక్ జగదీష్ వంటి చిత్రాలను తెరకెక్కించిన శివ నిర్వాణ ఈ చిత్రానికి దర్శకుడు. ‘మైత్రీ మూవీ మేకర్స్’ సంస్థ పై నవీన్ యెర్నేని, వై రవిశంకర్..లు ఈ చిత్రాన్ని ఎంతో ప్రతిష్టాత్మకంగా నిర్మిస్తున్నారు. ఈ మధ్యనే షూటింగ్ మొత్తం పూర్తయ్యింది. సెప్టెంబర్ 1న ఈ సినిమా తెలుగుతో పాటు తమిళ, కన్నడ, హిందీ , మలయాళ భాషల్లో గ్రాండ్ గా రిలీజ్ కాబోతోంది.
రిలీజ్ డేట్ దగ్గర పడుతుండడంతో ప్రమోషన్ల డోస్ పెంచింది. ఆగస్టు 9 న ట్రైలర్ విడుదల చేయబోతున్నట్లు మేకర్స్ ముందుగానే ప్రకటించారు. వారు చెప్పినట్టుగానే కొద్దిసేపటి క్రితం ట్రైలర్ ను విడుదల చేశారు. ఇక ఖుషి ట్రైలర్ 2 నిమిషాల 45 సెకన్ల నిడివి కలిగి ఉంది. విజయ్ దేవరకొండ చాలా అందంగా కనిపించాడు. సమంత మనకి ఏమాయ చేసావే రోజులను గుర్తుచేస్తుంది.
ఆమె ముస్లింగా అలాగే బ్రాహ్మణ అమ్మాయిగా రెండు షేడ్స్ ఉన్న పాత్రలో కనిపిస్తుంది. దోషం ఉన్న జంట పెళ్లి చేసుకుంటే ఎలాంటి పరిణామాలు ఎదురవుతాయి.. అనే కాన్సెప్ట్ తో ఈ మూవీ రూపొందినట్టు తెలుస్తుంది. విజయ్ దేవరకొండ అక్కడక్కడ అర్జున్ రెడ్డి .. గీత గోవిందం సినిమాల్లో మాదిరి తన మార్క్ పెర్ఫార్మెన్స్ తో మెప్పించే ప్రయత్నం చేశాడు.
వెన్నెల కిషోర్, రాహుల్ రామకృష్ణ కామెడీ ఆకట్టుకునే విధంగా ఉంది జి.మురళి సినిమాటోగ్రఫీ అందించిన విజువల్స్ ఆకట్టుకునే విధంగా ఉన్నాయి. హిషామ్ అబ్దుల్ వాహబ్ అందించిన బీజీయం ట్రైలర్ కి స్పెషల్ అట్రాక్షన్ గా నిలిచింది. (Kushi) ట్రైలర్ ను మీరు కూడా ఓ లుక్కేయండి:
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
