బుల్లితెర యాంకర్లలో ఒకరైన రవి బిగ్ బాస్ షో సీజన్ 5లో కచ్చితంగా పాల్గొంటాడని గత కొంతకాలంగా వార్తలు తెగ వైరల్ అవుతున్నాయి. అయితే బిగ్ బాస్ రూల్స్ ప్రకారం షోలో ఆఫర్ వచ్చినా చెప్పకూడదు కాబట్టి రవి ప్రత్యక్షంగా ఆ వార్తల గురించి స్పందించడం లేదు. ముందే చెబితే బిగ్ బాస్ నిర్వాహకులు ఆ సెలబ్రిటీకి బదులుగా మరో సెలబ్రిటీని ఎంపిక చేసే అవకాశాలు కూడా ఉంటాయి.
బిగ్ బాస్ సీజన్ 4 సమయంలో ఒక సెలబ్రిటీ విషయంలో ఇదే విధంగా జరిగిందని కామెంట్లు వినిపించాయి. అయితే తాజాగా రవి, లాస్య ఒక కార్యక్రమానికి హోస్టులుగా వ్యవహరించగా రవి బిగ్ బాస్ షోకు వెళుతున్నాడని లాస్య కన్ఫామ్ చేశారు. ప్రత్యక్షంగా లాస్య చెప్పకపోయినా రవి బిగ్ బాస్ హౌస్ కు వెళుతున్నాడని లాస్య హింట్స్ ఇవ్వగా కంగారు పడటం రవి వంతైంది. కొన్నిరోజుల్లో రవి కూడా కనిపించకుండా పోతాడేమో అని నా డౌట్ అని లాస్య అన్నారు.
ఏదో హౌస్ లోకి వెళుతున్నారు కదా అని లాస్య అడగగా రవి దిగులుగా ఫేస్ పెట్టడంతో మీ హౌస్ లోకి వెళుతున్నారట కదా అంటూ లాస్య కవర్ చేసే ప్రయత్నం చేశారు. అయితే రవి నిజంగా బిగ్ బాస్ షోలోకి వెళతారో లేదో తెలియాలంటే బిగ్ బాస్ షో ప్రారంభమయ్యే వరకు ఆగాల్సిందే. రవి బిగ్ బాస్ ఎంట్రీ దాదాపు ఖరారైనట్టే అని వార్తలు వస్తున్నాయి. రవి హౌస్ లోకి వెళితే విన్నర్ అవుతాడో లేదో చెప్పలేం కానీ టాప్ 5 కంటెస్టెంట్లలో ఒకరిగా నిలిచే అవకాశాలు అయితే ఉంటాయి.
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
