‘అందాల రాక్షసి’ సినిమాతో టాలీవుడ్ లో హీరోయిన్ గా ఎంట్రీ ఇచ్చింది లావణ్య త్రిపాఠి. ఆ తరువాత కొన్ని హిట్టు సినిమాల్లో నటించింది. కానీ స్టార్ హీరోయిన్ స్టేటస్ అందుకోలేకపోయింది. ఇదిలా ఉండగా.. కొన్నాళ్లుగా ఈ బ్యూటీ మెగాహీరో వరుణ్ తేజ్ తో ప్రేమలో ఉన్నట్లు వార్తలు వినిపిస్తున్నాయి. వీటిపై పరోక్షంగా స్పందించిందే కానీ నేరుగా ఎప్పుడూ మాట్లాడలేదు లావణ్య త్రిపాఠి. రీసెంట్ గా ఓ ఇంటర్వ్యూలో పాల్గొన్న లావణ్య పలు విషయాలపై స్పందించింది.
లవ్ ఎట్ ఫస్ట్ సైట్ గురించి మాట్లాడుతూ.. తనకు అలాంటి వాటిపై నమ్మకం లేదని చెప్పింది. అబ్బాయిని ప్రేమించాలా..? వద్దా..? అనేది అతడితి మాట్లాడి, కొంత సమయం గడిపితే గానీ చెప్పలేనని.. మాట్లాడడం చాలా ముఖ్యమని చెప్పుకొచ్చింది. వరుణ్ తేజ్ తో ప్రేమలో ఉన్నారనే ప్రచారంపై రియాక్ట్ అవుతూ.. వరుణ్ తో రెండు సినిమాలు చేయడంతో అలాంటి రూమర్స్ వచ్చి ఉంటాయని, చెప్పుకొచ్చింది. పెళ్లిపై తనకు నమ్మకం ఉందని.. అయితే ప్రస్తుతం తాను సింగిల్ అని తెలిపింది.
దానికి కారణం సరైన జీవిత భాగస్వామి లభించలేదని చెప్పుకొచ్చింది లావణ్య. ఇదే సమయంలో ఇండస్ట్రీలో ఫ్రెండ్స్ ఎవరైనా ఉన్నారా..?అడగ్గా.. నీహారిక, రీతూవర్మ, సందీప్ కిషన్, అల్లు శిరీష్ ల పేర్లు చెప్పింది. అందులో చాలా మంది తన కోస్టార్స్ అని పేర్కొంది. లావణ్య కెరీర్ లో విజయాలు, అపజయాలు రెండూ ఉన్నాయి. ఈ విషయాన్ని ఆమె అంగీకరించింది. తన తొలి సినిమా ‘అందాల రాక్షసి’ చేసినప్పుడు ఇండస్ట్రీలో ఇన్నేళ్లు ఉంటానని అనుకోలేదని..
కొన్ని సినిమాలు చేశాక హిందీకి వెళ్లాలని అనుకున్నానని.. కానీ ఇప్పుడు హైదరాబాద్ తనకు రెండో ఇల్లు అయిందని చెప్పుకొచ్చింది. కెరీర్ ఆరంభంలో సక్సెస్ ను సరిగ్గా ఎంజాయ్ చేయలేదని.. ఆ తరువాత సక్సెస్ సెలబ్రేట్ చేసుకోవడం ఎంత ముఖ్యమనేది అర్థమైందని చెప్పుకొచ్చింది.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
