మహానాయకుడు థియేటర్లలో లక్ష్మీస్ ఎన్టీఆర్ ట్రైలర్

“లక్ష్మీస్ ఎన్టీఆర్” విడుదలయ్యేవరకూ మన బాలయ్యను ఈ రాంగోపాల్ వర్మ వదిలేలా కనిపించడం లేదబ్బా. నిన్నమొన్నటివరకూ “ఎన్టీఆర్ మహానాయకుడు” విడుదల రోజున తన సినిమా ట్రైలర్ విడుదల చేస్తాను అని వాళ్ళు ట్రైలర్ రిలీజ్ చేసేవరకూ నానా యాగీ చేసిన వర్మ.. ఇప్పుడు వాళ్ళు ఫిబ్రవరి 22న తమ చిత్రాన్ని విడుదల చేయనున్నామని ప్రకటించడంతో.. వెంటనే తన ప్లాన్ మార్చేశాడు. ఫిబ్రవరి 14న “లక్ష్మీస్ ఎన్టీఆర్” ట్రైలర్ ను విడుదల చేయనున్న వర్మ.. అదే ట్రైలర్ ను “ఎన్టీఆర్ మహానాయకుడు” ప్రదర్శింపబడనున్న థియేటర్లలో కూడా ప్లే చేసేందుకు సన్నద్ధమవుతున్నాడు. ఈమేరకు ట్వీట్ కూడా వేశాడు.

• ‘యాత్ర’ రివ్యూ కోసం ఇక్కడ క్లిక్ చెయ్యండి 
• విచారణ రివ్యూ కోసం ఇక్కడ క్లిక్ చెయ్యండి
• సీమ రాజా రివ్యూ కోసం ఇక్కడ క్లిక్ చెయ్యండి
• అమావాస్య రివ్యూ కోసం ఇక్కడ క్లిక్ చెయ్యండి

అయితే.. ఎన్టీఆర్ జీవితంలోని ప్లస్ పాయింట్స్ మాత్రమే తీసుకొని తెరకెక్కించబడుతున్న “ఎన్టీఆర్ మహానాయకుడు” చిత్రం ఇంటర్వెల్ టైమ్ లో ఎన్టీఆర్ జీవితంలోని చీకటి కోణాన్ని మాత్రమే తీసుకొని చిత్రీకరించిన “లక్ష్మీస్ ఎన్టీఆర్” ట్రైలర్ ను ప్లే చేయడం అనేది మహానాయకుడు సినిమాకి మైనస్ గా మారే అంశం. అలాంటి ఘటన చోటు చేసుకోకుండా ఆపగల సత్తా బాలయ్యకు ఉన్నప్పటికీ.. వర్మ చేసే లాజికల్ మ్యాజిక్ ముందు బాలయ్య నిలవగలాడా అనే ప్రశ్న తలెత్తుతోంది. మరి నిజంగానే వర్మ అన్నంత పని చేస్తాడో లేదో తెలియాలంటే ఫిబ్రవరి 22న విడుదలవుతున్న ఎన్టీఆర్ మహానాయకుడు మొదటి షో లేదా మ్యాట్నీ షో ఇంటర్వెల్ వరకూ వెయిట్ చేయాల్సిందే.