Leo: ‘లియో’ టీమ్‌ స్పెషల్‌ వీడియో.. న్యూస్‌తో ఫ్యాన్స్‌ ఫుల్‌ ఖుష్‌

‘లియో’ అంటూ ఇటీవల పేరు పెట్టారు కానీ.. ఒకప్పుడు ఇది ‘థళపతి 67’యే. ఆ పేరు పెట్టినప్పటి నుండి సినిమా గురించి ఆసక్తికరమైన పుకార్లు చాలానే వస్తున్నాయి. అయితే వీటిని ఎక్కడా టీమ్‌ ఖండించనూ లేదు, అలా అని కన్‌ఫామ్‌ కూడా చేయలేదు. ఇలాంటి వాటిలో ఈ సినిమా ‘లోకేశ్‌ సినిమాటిక్‌ యూనివర్స్‌’లో భాగమే అనే మాట కూడా ఒకటి. అయితే ఇప్పుడు ఈ మాటను నిజం చేసేలా ఓ నటి ‘లియో’ టీమ్‌తో కనిపించారు. ఆమెనే ఏజెంట్‌ టీనా.

విజయ్ ‘లియో’ షూటింగ్ కశ్మీర్‌లో కొనసాగుతోంది. దీని కోసం స్పెషల్ ఫ్లైట్‌లో సినిమా బృందం అక్కడకు వెళ్లింది. ఈ టీమ్‌లో విజయ్, త్రిషతో పాటు ఏజెంట్ టీనా అలియాస్‌ వాసంతి కూడా కనిపించింది. చెన్నై నుండి ప్రత్యేక విమానంలో టీమ్ కశ్మీర్‌ చేరుకుంది. ఈ జర్నీకి సంబంధించిన వీడియోను సెవెన్ స్క్రీన్ స్టూడియో నిర్మాణ సంస్థ తాజాగా విడుదల చేసింది. ఆ విమానంలో విజయ్, త్రిష కనిపించారు. చిన్న పిల్లలు, ఫ్లైట్ సిబ్బందితో విజయ్ ముచ్చట్లు పెడుతూ ఆ వీడియోలో కనిపించాడు. విమానంలోని ప్రతి ఒక్కరిని పేరు పేరున పలుకరిస్తూ సందడి చేశాడు.

కమల్‌ హాసన్‌ ‘విక్రమ్’ సినిమాలో పవర్ ఫుల్ ఏజెంట్ టీనాగా వాసంతి కనిపించనుంది. ‘లియో’ టీమ్ కశ్మీర్ జర్నీ వీడియోలో వాసంతి కూడా కనిపించింది. దీంతో ‘విక్రమ్‌’ మూవీ రోల్‌లోనే ఇందులోనూ నటిస్తోందని అంటున్నారు. ఒకవేళ ఇదే జరిగితే ఈ సినిమా కూడా ‘లోకేశ్ సినిమాటిక్‌ యూనివర్స్‌’లో భాగం అనొచ్చు అంటున్నారు అభిమానులు. అయితే ఈ ఒక్క పాత్రతో అలా చెప్పలేం అనుకోండి. అన్నట్లు ఈ సినిమాలో చియాన్ విక్రమ్ కూడా నటించనున్నట్లు వార్తలు వస్తున్నాయి.

‘విక్రమ్’ సినిమాలో రోలెక్స్.. అదేనండీ సూర్య పాత్ర తరహాలోనే ఈ సినిమాలోనూ విక్రమ్‌ కనిపిస్తాడని అంటున్నారు. త్వరలో ఈ విషయంలోనూ క్లారిటీ వస్తుంది అని సమాచారం. చూద్దాం ఇంకెన్ని కొత్త విషయాలు ఈ సినిమాలో యాడ్‌ చేస్తారో.

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!