Lingusamy: ఆ మూడు హిట్‌ సినిమాలు విజయ్‌తో చేయాలనుకున్నా.. కానీ: లింగుస్వామి

ఎప్పుడూ చెప్పే మాట.. ఎవరికి దక్కాల్సిన సినిమా వారికే దక్కుతుంది. అయితే అది అటు తిరిగి, ఇటు తిరిగి టైమ్‌కి వచ్చేస్తుంది. ఈ మాటను బయట ఎవరు నమ్మినా, నమ్మకపోయినా సినిమా పరిశ్రమలో బాగా నమ్ముతారు. ఆ సినిమా మంచి విజయం అందుకుంటే చేసిన హీరో ఫ్యాన్స్‌ పొంగిపోతారు. అంతకుముందు ఆ సినిమా చేతుల్లోకి వచ్చి చేయలేకపోయిన హీరో ఫ్యాన్స్‌ బాధపడతారు. ఈ విషయాన్ని నిరూపించేలా ఓ మూడు సినిమాల గురించి ఇప్పుడు తెలిసింది. ఆ మూడు సినిమాలూ వదులుకుంది స్టార్‌ హీరో, ప్రజెంట్‌ తమిళనాడు సీఎం విజయ్‌. ఆ మూడు సినిమాల్ని డైరెక్ట్ చేసింది సీనియర్‌ దర్శకుడు లింగు స్వామి. అంతే కాదు ఈ విషయాల్ని చెప్పింది కూడా ఆయనే..

Lingusamy

తెలుగులో నాగచైతన్య – సునీల్‌ చేసిన ‘తడాఖా’ సినిమా గుర్తుందా? ఆ సినిమాను తమిళంలో ‘వేట్టై’ అనే పేరుతో లింగుస్వామి తీశారు. ఆర్య, ఆర్‌.మాధవన్‌ హీరోలు. ఈ సినిమా కథను తొలుత విజయ్‌కి చెప్పారట లింగుస్వామి. సినిమా సెకండాఫ్‌ కథ నచ్చకపోవడంతో విజయ్‌ ఆ సినిమా నుండి తప్పుకున్నారట.

విశాల్‌ కెరీర్‌లో బిగ్గెస్ట్‌ హిట్‌, తెలుగులో కూడా మంచి ఫేమ్‌ తీసుకొచ్చిన సినిమా ‘పందెంకోడి’/ ‘సండకోళి’. ఈ సినిమాను విజయ్‌ కోసం తొలుత అనుకున్నారట లింగుస్వామి. ఇంటికివెళ్లి కథ కూడా చెప్పారట. ఫస్టాఫ్‌ నెరేషన్‌ వరకు విజయ్‌ ఓకేగానే ఉన్నారట. కానీ తర్వాత సినిమా చేయలేకపోయాం.. చేసుంటే బాగుండేది అన్నారు లింగుస్వామి.

ఇవన్నీ లింగు స్వామి కెరీర్లో రెండో సినిమా అయిన ‘రన్‌’ను విజయ్‌ కోసమే రాసుకున్నారు. విజయ్‌ తండ్రికి కథ కూడా వినిపించారట. ఆయకు నచ్చింది కూడా. కానీ కొన్ని కారణాల వల్ల ఆ సినిమా పట్టాలెక్కలేదు అని చెప్పారు. ఆ తర్వాత ఆ సినిమాను మాధవన్‌తో తెరకెక్కించి విజయం అందుకున్నారు.

కెరీర్‌లో 10 సినిమాలు తీసిన లింగుస్వామి మూడు సినిమాలతో విజయ్‌ కోసం ట్రై చేసినా అవ్వలేదు. ఇప్పుడు ఇక ఆ అవకాశం లేదు.

టాప్-3 నుంచి టాప్-2కి… అమెజాన్ ప్రైమ్ వీడియోలో ‘ఇసకపట్నం’ సెన్సేషన్