ఆగస్టులో ఎన్ని సినిమాలు విడుదలవుతున్నాయంటే?

వర్షాకాలం వినోదాల కోసం టాలీవుడ్‌ సిద్ధమైంది. టాలీవుడ్‌ అన్‌సీజన్‌గా భావించే ఆగస్టులో పెద్ద ఎత్తున సినిమాలు విడుదలకు సిద్ధంగా ఉన్నాయి. సీనియర్‌ స్టార్‌ హీరోలు అయితే రావడం లేదు కానీ, కుర్ర స్టార్‌ హీరోలు, కొత్త కుర్రాళ్లు తమ సినిమాలతో సిద్ధమైపోయారు. అలా ఈ నెలలో 14కిపైగా సినిమాలు విడుదలకు సిద్ధంగా ఉన్నాయి. వాటి వివరాలు మీ కోసం…

* ఆగస్టు నెల ‘సీతారామం’ ప్రేమ కథతో మొదలుకాబోతోంది. దుల్కర్‌ సల్మాన్‌, మృణాల్‌ ఠాకూర్‌, రష్మిక మందన ప్రధాన పాత్రల్లో రూపొందిన చిత్రమిది. వైజయంతీ మూవీస్‌ పతాకంపై హను రాఘవపూడి తెరకెక్కించారు. ఈ సినిమాను ఆగస్టు 5ప విడుదల చేస్తున్నారు.

* కల్యాణ్‌ రామ్‌ ప్రతిష్ఠాత్మకంగా నటిస్తూ నిర్మించిన చిత్రం ‘బింబిసార’. కెరీర్‌లో హయ్యెస్ట్‌ అంచనాలతో సినిమా ఆగస్టు 5న రాబోతోంది. వశిష్ఠ్‌ మల్లిడి తెరకెక్కించిన ఈ చిత్రంలో కల్యాణ్‌ రామ్‌ రెండు పాత్రల్లో కనిపించబోతున్నాడు. ఇందులో కేథరిన్‌, సంయుక్త మీనన్‌ కథానాయికలు.

* ఆమిర్‌ ఖాన్‌ 14 ఏళ్ల కల ‘లాల్‌ సింగ్‌ చడ్డా’ కూడా ఈ నెలలోనే రాబోతోంది. ఈ సినిమాను తెలుగులో చిరంజీవి సమర్పిస్తున్న విషయం తెలిసిందే. 11న విడుదల కానున్న ఈ సినిమాలో కరీనా కపూర్‌ కథానాయిక కాగా, నాగచైతన్య ఓ కీలక పాత్రలో కనిపించబోతున్నాడు. ‘ఫారెస్ట్‌ గంప్‌’ సినిమాకు ఇది రీమేక్‌.

* ‘కార్తికేయ’తో మంచి విజయం అందుకున్న నిఖిల్‌ ‘కార్తికేయ 2’ సినిమా చేసిన విషయం తెలిసిందే. చందు మొండేటి దర్శకత్వం వహించిన ఈ సినిమా చాలా సార్లు వాయిదాపడి ఆఖరికి ఈ నెల 12న థియేటర్లకు రాబోతోంది. ఇందులో అనుపమ పరమేశ్వరన్‌ కథానాయిక.

* ప్రేమకథలు, కుటుంబ కథలతో ట్రాక్‌లోకి వచ్చిన నితిన్‌ మళ్లీ మాస్‌ బాట పట్టిన చిత్రం ‘మాచర్ల నియోజకవర్గం’. రాజశేఖర్‌ రెడ్డి దర్శకత్వం వహించిన ఈ సినిమాలో కృతి శెట్టి, కేథరిన్‌ నాయికలు. అంజలి ప్రత్యేక గీతంలో నర్తించింది. ఈ సినిమాను ఆగస్టు 12న విడుదల చేస్తున్నారు.

* బెల్లంకొండ కుటుంబం నుండి వస్తున్న రెండో హీరో గణేష్‌. లక్ష్మణ్‌ కృష్ణ అనే కొత్త దర్శకుడు రూపొందించిన ఈ సినిమాలో వర్ష బొల్లమ్మ కథానాయిక. ఈ సినిమాను ఆగస్టు 13న తీసుకురావాలని ప్రయత్నిస్తున్నారు.

* ఆది సాయికుమార్‌, పాయల్‌ రాజ్‌పుత్‌ జంటగా నటించిన చిత్రం ‘తీస్‌ మార్‌ ఖాన్‌’. కల్యాణ్‌జీ గోగన దర్శకత్వంలో తెరకెక్కిన ఈ సినిమాను 19న విడుదల చేస్తున్నారు. ప్రచార చిత్రాలతో ఈ సినిమా కాస్త హైప్‌ తెచ్చుకుంది.

* ప్రముఖ దర్శకుడు రాఘవేంద్రరావు సమర్పణలో యువ కమెడియన్లు, టీవీ ఆర్టిస్ట్‌లతో తెరకెక్కిన చిత్రం ‘వాంటెట్‌ పండుగాడ్‌’. సుధీర్‌, దీపిక పిల్లి, సునీల్‌, సప్తగిరి, అనసూయ, విష్ణు ప్రియ.. ఇలా టీవీ తారలు ఇందులో నటించారు. ఈ సినిమా 19న విడుదలవుతోంది.

* పూరి జగన్నాథ్‌ – విజయ్‌ దేవరకొండ కాంబినేషన్‌లో రూపొందిన చిత్రం ‘లైగర్‌’. ఈ సాలా క్రాస్‌ బ్రీడ్‌ ఈ నెల 25న వస్తున్న విషయం తెలిసిందే. అనన్య పాండే కథానాయికగా తెరకెక్కిన ఈ చిత్రంలో రమ్యకృష్ణ కీలక పాత్ర పోషించారు. సినిమా మీద అంచనాలు భారీగా ఉన్నాయి అని ప్రత్యేకంగా చెప్పక్కర్లేదు.

* ఇవి కాకుండా ‘విరుమాన్‌’, ‘మాటరాని మౌనమిది’, ‘కమిట్‌మెంట్‌’, ‘కాలాపురం’, ‘పిశాచి 2’ లాంటి చిత్రాలు కూడా విడుదలకు సిద్ధంగా ఉన్నాయి. ఇందులో ఎన్ని థియేటర్లకు వస్తాయో చూడాలి.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?