Bimbisara: బింబిసారకు పోటీనిచ్చేది ఆ మూవీ మాత్రమే?

August 13, 2022 / 06:47 PM ISTByFilmy Focus

Join Us

Bimbisara: బింబిసారకు పోటీనిచ్చేది ఆ మూవీ మాత్రమే?

కళ్యాణ్ రామ్ హీరోగా వశిష్ట డైరెక్షన్ లో తెరకెక్కిన బింబిసార మూవీ భారీస్థాయిలోనే కలెక్షన్లను సొంతం చేసుకుంటున్న సంగతి తెలిసిందే. ఈ వీకెండ్ లో కూడా బింబిసార మూవీకి బుకింగ్స్ బాగానే ఉండటంతో ఈ సినిమాకు లాభాలు మరింత పెరిగే ఛాన్స్ అయితే ఉందని కామెంట్లు వ్యక్తమవుతున్నాయి. ఈ వారం మూడు సినిమాలు థియేటర్లలో విడుదల కాగా ఈ సినిమాలలో కార్తికేయ2 సినిమాకు మాత్రమే హిట్ టాక్ వచ్చింది. నితిన్ హీరోగా ఎం.ఎస్.రాజశేఖర్ రెడ్డి డైరెక్షన్ లో తెరకెక్కిన మాచర్ల నియోజకవర్గం సినిమాకు ఫ్లాప్ టాక్ రావడం బింబిసార సినిమాకు ప్లస్ అయింది.

బింబిసార్ మాస్ ప్రేక్షకులకు నచ్చే మూవీ కావడం మరే మాస్ మూవీ థియేటర్లలో లేకపోవడంతో ఈ సినిమాకు ప్లస్ అవుతోంది. కార్తికేయ2 సినిమా నుంచి మాత్రమే బింబిసారకు పోటీ ఎదురవుతోందని చెప్పవచ్చు. సీతారామం సినిమాకు ఏ సెంటర్లలో బుకింగ్స్ బాగున్నాయి. మరోవైపు బింబిసార ఇప్పటికే దాదాపుగా 27 కోట్ల రూపాయల షేర్ కలెక్షన్లను సాధించగా ఫుల్ రన్ లో ఈ సినిమా 35 కోట్ల రూపాయలకు పైగా షేర్ కలెక్షన్లను సాధించే ఛాన్స్ ఉంది.

బింబిసార సక్సెస్ తో కళ్యాణ్ రామ్ మార్కెట్ సైతం పెరిగిందని కామెంట్లు వ్యక్తమవుతున్నాయి. ఈ సినిమాలో కళ్యాణ్ రామ్ నటనకు సైతం ప్రశంసలు దక్కుతున్నాయి. నెగిటివ్ షేడ్స్ ఉన్న పాత్రలో కళ్యాణ్ రామ్ అదుర్స్ అనిపించారు. కళ్యాణ్ రామ్ ప్రస్తుతం కెరీర్ విషయంలో ఆచితూచి అడుగులు వేస్తున్నారు. బింబిసార2, డెవిల్ ప్రాజెక్ట్ లలో కళ్యాణ్ రామ్ నటిస్తుండగా ఈ రెండు సినిమాలు వచ్చే ఏడాది థియేటర్లలో విడుదల కానున్నాయి.

బింబిసార2 కళ్యాణ్ రామ్ సొంత బ్యానర్ పై తెరకెక్కుతుండగా డెవిల్ మూవీ అభిషేక్ పిక్చర్స్ బ్యానర్ పై తెరకెక్కుతోంది. ఈ రెండు సినిమాలతో కూడా కళ్యాణ్ రామ్ విజయాలను అందుకుంటారేమో చూడాలి.