మహేష్ మాటంటే ఫ్యాన్స్ కు అంత గౌరవమా..?

టాలీవుడ్ ఇండస్ట్రీలో స్టార్ హీరోల అభిమానులు హీరోల మాటలను తూచా తప్పకుండా పాటిస్తారనే సంగతి తెలిసిందే. తమ ఫేవరెట్ హీరో రికార్డుల విషయంలో ముందువరసలో ఉండాలని హీరోల ఫ్యాన్స్ భావిస్తారు. అయితే కొన్నిసార్లు అభిమానుల మధ్య మాటల యుద్ధాలు ఆయా హీరోలకు కొత్త తలనొప్పులను తెచ్చిపెడుతుంటాయి. అయితే మహేష్ ఫ్యాన్స్ మాత్రం పవన్ కళ్యాణ్ కోలుకోవాలని పూజలు చేయడం గమనార్హం. వినడానికి ఆశ్చర్యంగా ఉన్నా పుట్టపర్తి మహేష్ బాబు ఫ్యాన్స్ అసొసియేషన్ పవన్ కళ్యాణ్ త్వరగా కోలుకోవాలని హనుమాన్ టెంపుల్ లో పూజలు చేయించడం సోషల్ మీడియాలో ట్రెండ్ అవుతోంది.

మహేష్ బాబు పవన్ త్వరగా కోలుకోవాలని సోషల్ మీడియాలో పోస్ట్ పెడితే ఫ్యాన్స్ మహేష్ పై ఉన్న గౌరవంతో ఏకంగా పూజలు చేయడంతో ఇతర హీరోల అభిమానులు సైతం ఆశ్చర్యపోతున్నారు. మహేష్ బాబు పెట్టిన పోస్ట్ వల్ల అభిమానుల మధ్య మంచి వాతావరణం ఏర్పడింది. మరోవైపు కరోనా వైరస్ నుంచి పవన్ కళ్యాణ్ కోలుకుంటున్నారు. తాజాగా ఒక లేఖను విడుదల చేసిన పవన్ కళ్యాణ్ ఆరోగ్యం కుదుటపడుతోందని వైద్యుల సలహాలు, సూచనలు పాటిస్తున్నానని తెలిపారు.

త్వరగా కోలుకోవాలని సందేశాలు పంపిన వారందరికీ పవన్ కళ్యాణ్ కృతజ్ఞతలు చెప్పారు. పదాలతో భావోద్వేగాన్ని వెల్లడించలేనని త్వరలో ప్రజల ముందుకు వచ్చి ప్రజల కోసం నిలబడతానని పవన్ కళ్యాణ్ పేర్కొన్నారు. తెలుగు రాష్ట్రాల్లో అధికారికంగా ప్రకటిస్తున్న కరోనా కేసులతో పోలిస్తే కొన్ని రెట్లు ఎక్కువగా కొత్త కేసులు నమోదవుతున్నాయని ప్రభుత్వం కరోనా కేసుల విషయంలో స్పందించి చర్యలు తీసుకోవాలని పవన్ వెల్లడించారు.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!