కీలక సీన్ల షూటింగ్ కి సిద్ధమవుతోన్న మహేష్

సూపర్ స్టార్ మహేష్ బాబు సినిమా అంటే అభిమానులు యాక్షన్ ఆశిస్తారు. యాక్షన్ సీక్వెన్స్ లను కొత్తగా తీర్చిదిద్దడంలో డైరక్టర్ మురుగదాస్ స్టైలే వేరు. వీరిద్దరి కాంబినేషన్లో రూపుదిద్దుకుంటున్న యాక్షన్ థ్రిల్లర్  మూవీ మొదటి షెడ్యూల్ హైదరాబాద్ లో కొన్ని రోజుల క్రితం కంప్లీట్ అయింది. ఇందులో మహేష్ బాబు,  ఫిట్ బ్యూటీ రకుల్ ప్రీత్ సింగ్ లపై కొన్ని రొమాంటిక్ సన్నివేశాలను చిత్రీకరించారు.

రెండో షెడ్యూల్ ఈ నెల 7 న ప్రారంభం కానుంది. ఇన్వెస్ట్ గేషన్ ఆఫీసర్ గా మహేష్ బాబు నటిస్తున్న ఈ ఫిల్మ్ ని తెలుగు, తమిళం రెండు భాషల్లో ఎం.వి.ప్రసాద్, ఠాగూర్ మధు సంయుక్తంగా నిర్మిస్తున్నారు. చెన్నైలో ప్రారంభం కానున్న రెండో షెడ్యూల్ లో కీలక సీన్లను షూట్ చేయనున్నట్లు చిత్ర బృందం తెలిపింది. ఈ చిత్రీకరణలో విలన్ పాత్ర దారి అయిన ఎస్.జె. సూర్య పాల్గొననున్నట్లు వెల్లడించింది. అతనితో పాటు తమిళ నటుడు ఆర్జే బాలాజీ కూడా యూనిట్ తో జాయిన్ కానున్నాడు. ఈ సినిమా ఫస్ట్ లుక్ ని దీపావళికి రిలీజ్ చేయాలని మురుగ దాస్ టీమ్ భావిస్తోంది.