విక్టరీ వెంకటేష్, సూపర్ స్టార్ మహేష్ బాబు కాంబినేషన్ లో తెరకెక్కిన సీతమ్మ వాకిట్లో సిరిమల్లె చెట్టు అంచనాలకు మించి విజయం సాధించిన సంగతి తెలిసిందే. ఈ సినిమా ద్వారా కథ నచ్చితే మల్టీస్టారర్ సినిమాలు చేయడానికి తాను సిద్ధమేనని మహేష్ బాబు చెప్పకనే చెప్పేశారు. తాజాగా మహేష్ బాబు ఒక ప్రైవేట్ కార్యక్రమానికి హాజరయ్యారు. ఈ కార్యక్రమంలో మహేష్ బాబు మల్టీస్టారర్ సినిమాలు చేయడానికి సిద్ధమేనని క్లారిటీ ఇచ్చారు.
ఒక మీడియా ప్రతినిధి ఆర్ఆర్ఆర్ లో చరణ్, తారక్ కలిసి మల్టీస్టారర్ చేశారని మీరు వీరిలో ఎవరితో కలిసి మల్టీస్టారర్ చేస్తారని మహేష్ ను అడిగారు. ఆ ప్రశ్నకు సూపర్ స్టార్ మహేష్ బాబు సమాధానంగా ఎన్టీఆర్, చరణ్ లలో ఎవరితోనైనా మల్టీస్టారర్ చేయడానికి తాను సిద్ధమేనని చెప్పుకొచ్చారు. మహేష్ ఈ ఇద్దరిలో ఏ హీరోతో నటించినా బాక్సాఫీస్ వద్ద సంచలన రికార్డులు క్రియేట్ అవుతాయనడంలో సందేహం అవసరం లేదు.
మరో జర్నలిస్ట్ రాజమౌళి డైరెక్షన్ లో మహేష్ నటించే సినిమా హాలీవుడ్ రేంజ్ లో ఉండనుందని వార్తలు వస్తున్నాయని ఆ వార్తలు నిజమేనా అని అడగగా బాలీవుడ్ రేంజ్, హాలీవుడ్ రేంజ్ అనే విషయం తనకు తెలియదని రాజమౌళి సినిమా కోసం తాను ఆసక్తిగా ఎదురుచూస్తున్నానని అంతకు మించి ఈ సినిమా గురించి మరేం చెప్పలేనని మహేష్ బాబు అన్నారు. మహేష్ చేసిన కామెంట్లు నెట్టింట వైరల్ అవుతున్నాయి.
భవిష్యత్తులో కథ నచ్చితే మహేష్ బాబు ఇతర స్టార్ హీరోలతో కలిసి నటించే ఛాన్స్ అయితే ఉంది. మహేష్ బాబు ఈ మధ్య కాలంలో కథల విషయంలో మరిన్ని ఎక్కువ జాగ్రత్తలు తీసుకుంటూ సినిమాలలో నటిస్తున్నారు. త్రివిక్రమ్ డైరెక్షన్ లో తెరకెక్కే సినిమాను పూర్తి చేసి మహేష్ బాబు రాజమౌళి సినిమాతో బిజీ కానున్నారు. ఈ సినిమా అత్యంత భారీ బడ్జెట్ తో తెరకెక్కనుంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
