మళ్ళీ మల్టీ స్టారర్ సినిమాలు మొదలయ్యాయి అంటే.. అందులో మహేష్ బాబు ప్రయత్నం కూడా ఉందనే చెప్పాలి. ‘సీతమ్మ వాకిట్లో సిరిమల్లె చెట్టు’ చిత్రంతో మళ్ళీ మల్టీ స్టారర్స్ ట్రెండ్ కు తెరలేపాడు మహేష్. తరువాత ఎన్నో మల్టీ స్టారర్ సినిమాలు వచ్చాయి.. ఇప్పుడు ఎన్టీఆర్ కూడా చరణ్ తో కలిసి ‘ఆర్.ఆర్.ఆర్’ అనే భారీ మల్టీ స్టారర్ సినిమాలో నటిస్తున్నాడు. రాజమౌళి డైరెక్షన్ కాబట్టి.. కచ్చితంగా ‘బాహుబలి’ ని మించే సినిమా అవుతుంది అని చాలా మంది అంచనా వేస్తున్నారు.
ఇక ఎన్టీఆర్ – మహేష్ బాబు కాంబినేషన్లో కూడా ఓ మల్టీ స్టారర్ రాబోతుంది అని ‘భరత్ అనే నేను’ టైం నుండే వార్తలు మొదలయ్యాయి.ఇలాంటి వార్తలు కామనే కదా అని అంతా లైట్ తీసుకున్నారు. కానీ ఈ ప్రచారంలో నిజం ఉందని కూడా ఇండస్ట్రీ వర్గాల నుండీ సమాచారం. స్టార్ ప్రొడ్యూసర్ అల్లు అరవింద్ గారు ఈ ప్రయత్నం మొదలు పెట్టారట. ‘మహేష్, ఎన్టీఆర్ లతో ఓ భారీ మల్టీ స్టారర్ ను రూపొందించాలని చాలా గట్టిగా ట్రై చేస్తున్నారు మన అరవింద్ గారు’ అని ఇన్సైడ్ టాక్.
‘ఇద్దరి హీరోల ఇమేజ్ ను బ్యాలన్స్ చేసే బౌండ్ స్క్రిప్ట్ దొరికితే.. నేను ఎప్పుడూ రెడీనే’ అని మహేష్.. అరవింద్ గారితో చెప్పాడట. ఇక మహేష్ తో తారక్ కు కూడా మంచి అనుబంధం ఉంది కాబట్టి.. అతను కూడా నేను రెడీ అని అన్నాడట. అయితే ఇక్కడ స్క్రిప్ట్ అనేదే కీలకం. అది రెడీ అయితే ఇది ఏమాత్రం అసాధ్యం కాదు.
Most Recommended Video
చిరంజీవి, బాలకృష్ణలు తలపడిన 15 సందర్భాలు!
తమ ఫ్యామిలీస్ తో సీరియల్ ఆర్టిస్ట్ ల.. రేర్ అండ్ అన్ సీన్ పిక్స్..!
ఇప్పటివరకూ అత్యధిక కలెక్షన్లను రాబట్టిన తెలుగు సినిమాలు ఇవే!
Home